ABŞ və Aİ liderləri Rusiyanın müharibəsini dəstəkləyənlərə qarşı mübarizə aparmağı vəd edirlər

Bakı/11.03,23/Turan: Cümə günü ABŞ və Aİ liderləri Rusiyanın Ukraynaya hücumunu dəstəkləyən üçüncü ölkələrə qarşı iş aparmağı vəd ediblər, xəbəri Ağ Evdən Turan-ın Vaşinqtondakı müxbiri verib.

Prezident Co Bayden cümə günü günorta saatlarında Ağ Evdə Avropa Komissiyasının sədri Ursula fon der Lyayeni salamlayıb.

"Biz Rusiyanın hərbi maşınını dəstəkləyə biləcək bütün resurslara çıxışının qarşısını almaq üçün sanksiyalarımıza və ixraca nəzarət tədbirlərimizə riayət edilməsinin təmin olunması üzrə birgə işlərimizi dərinləşdiririk", deyə iki liderin birgə bəyanatında bildirilir. 

"Putin bizi parçalayacağını düşünürdü, amma biz həmişəkindən daha çox həmrəyik. Biz Ukraynanı lazım olduğu qədər tərəddüdsüz dəstəkləməkdə həmrəyik", deyə onlar əlavə ediblər.

Jurnalistlərin ABŞ-ın Çinin Rusiyanı silahlandırmaq ehtimalını nəzərdən keçirdiyi haqqında xəbərdarlıqlarına münasibəti haqqında sualına cavabda fon der Lyayen belə deyib: "Biz bununla bağlı narahatlıqları bölüşürük və hər gün əməkdaşlıq edirik. Biz artıq sanksiyalarımızdan yayınmaya görə İran kimi üçüncü ölkələrə qarşı sanksiyalar tətbiq etmişik". 0