ABŞ Gürcüstanın "Xarici agentlər haqqında" qanun layihəsini yenə tənqid edib

ABŞ Gürcüstanın "Xarici agentlər haqqında" qanun layihəsini yenə tənqid edib

Cümə axşamı Birləşmiş Ştatlar Gürcüstanda vətəndaş cəmiyyətinin məhdudlaşdırılması ilə bağlı mübahisəli qanunu (“Xarici agentlər haqqında” qanun) yenidən tənqid edərək, onu Qərblə münasibətləri pozan Rusiya avtoritarizminin nümunəsi adlandırıb.

"Biz Kreml və digər repressiv hökumətlərin vətəndaş cəmiyyətinə və KİV-ə qarşı repressiyalar üçün oxşar qanunlardan istifadə etdiyinin şahidi olduq. Biz düşünmürük ki, bu cür qanunlar şəffaflıq prinsiplərinə uyğundur", - Dövlət Departamentinin mətbuat katibinin müavini Vedant Patel Turan-ın Vaşinqton müxbirinin sualının cavabında bildirib.

"Biz bu qanun layihəsindən və onun birinci oxunuşda qəbul edilməsindən, xüsusən də onun istənilən demokratik sistemin təməl daşı olan vətəndaş cəmiyyətinə və KİV-ə qarşı yönəldilməsindən əvvəlkitək çox narahatıq.

Biz vəziyyəti, xüsusən də etirazları diqqətlə izləyirik və bütün tərəfləri azadlığa və dinc toplanışlara hörmətlə yanaşmağa, təmkinli olmağa, eskalasiya və ya zorakı hərəkətlərdən çəkinməyə, qanunun aliliyinə hörmət etməyə çağırırıq", - Patel deyib.

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti