![ABŞ Gürcüstanla münasibətlərə yenidən baxır](https://turan.az/resized/news/2024/OMNGM0ZxwWTdfTIeIQIUYC16oHYIxkPoVXJtzFsG-750-500-resize.webp)
ABŞ Gürcüstanla münasibətlərə yenidən baxır
ABŞ Gürcüstanla münasibətlərə yenidən baxır
Çərşənbə günü ABŞ bir daha işarə edib ki, Gürcüstanla münasibətlərdə “ciddi siyasi fikir ayrılıqları var”, Gürcüstan hökuməti "Xarici agentlər haqqında" qanunu qəbul etdikdən sonra Dövlət Departamentinin nümayəndəsi belə deyib.
"İki həftə əvvəl biz elan etdik ki, əgər Gürcüstanın qəbul etdiyi qanunu nəzərə alaraq, münasibətlərimizə yenidən baxacağıq və ortada həqiqətən ciddi siyasi fikir ayrılıqları var", - Dövlət Departamentinin mətbuat katibi Metyu Miller Tbilisi ilə münasibətlərlə bağlı Turan-ın sualının cavabında bildirib.
"Söhbət Gürcüstana verdiyimiz yardımın həcmindən gedir. Bu, büdcəyə qoyulmuş və baxılmaqda olan təxminən 390 milyon dolardan gedir.
Söhbət həm də iki həftədən az əvvəl elan etdiyimiz potensial sanksiyalardan, viza məhdudiyyətlərindən gedir və hazırda onları necə və nə vaxt həyata keçirəcəyimizi həll edirik. Odur ki, bu mövzuda hələ eşidəcəksiniz, amma bunu bu gün etməyə hazır deyiləm", - o deyib.
Millerin şərhləri bu həftə Gürcü Arzusu məmurlarının Gürcüstanla bağlı son ictimai dinləmələrə görə ABŞ Konqresini tənqid edən və Konqresdə ifadə verən gürcü nümayəndələri "xain" adlandıran baş nazir də daxil olmaqla, antiamerika ritorikasını gücləndirdiyi vaxtda səslənib.
Keçən ay dövlət katibi Entoni Blinken bildirib ki, Gürcüstanda demokratik prosesləri və ya institutları pozanlar, eləcə də onların yaxın qohumları Amerika vizası almaq hüququndan məhrum ediləcək.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz