ABŞ Hərbi Dəniz Donanması Katibi Azərbaycan Prezidenti ilə görüşüb

Noyabrın 7-də Azərbaycanla tərəfdaşlığın yaradılması sahəsində etdiyi səfər zamanı ABŞ-ın Hərbi Dəniz Donanması Katibi Rey Mabus Azərbaycan Respublikasının Prezidenti İlham Əliyev və Müdafiə Naziri Zakir Həsənovla görüşlər keçirib.

Bakıda keçirilən rəsmi görüşlər əsnasında Mabus Azərbaycan rəhbərliyi ilə ABŞ və Azərbaycanın hərbi güvvələri arasında olan münasibətləri müzakirə etmişdir.

“Birləşmiş Ştatlar və Azərbaycan uzun müddətli tərəfdaşlıq əlaqələrinə malikdir, və biz bu tərəfdaşlığın saxlanılması və gücləndirilməsi arzusundayıq“ deyə Mabus qeyd etmişdir. “Bu tərəfdaşlıq yaxşı qurulmuş və hər iki tərəfə faydalıdır. “

Katib Mabus, Prezident Əliyev və Nazir Həsənov həmçinin dövlətlər arası gələcək fəaliyyətləri də müzakirə etmişlər.

“ Birləşmiş Ştatların hökuməti, hərbi dəniz donanması və dəniz piyadaçıları korpusu Azərbaycanla birgə olan maraqlarımızın inkişafı və bölgə təhlükəsizliyinin gücləndirilməsi üçün Azərbaycanın təhlükəsizlik sahəsində çalışan müvafiq nazirlikləri ilə işləməyə israrlıdırlar,“  deyən Mabus “ Gələcəkdə planlaşdırdığımız hərbi əməkdaşlığımızın bizim hərbi əlaqələrimizi gücləndirəcək“ ümidini bildirmişdir.

Katib Mabusun Bakıya səfəri onun Cənub, Afrika, Mərkəzi və Avropa Komandanlıqlarına etdiyi beynəlxalq səfərin bir hissəsidir. Səfər zamanı o, müxtəlif dövlətlərin dənizçiləri, hərbi və hökumət liderləri ilə görüşlər keçirmişdir. Xəbəri ABŞ səfirliyi yayıb.-0-