Vaşinqton/09.06.22/Turan: Vaşinqton hesab edir ki, Azərbaycan və Ermənistan sülh axtarışında və münasibətlərin normallaşması istiqamətində irəliləmək üçün real imkanlara malikdir. Bu barədə çərşənbə günü brifinqdə dövlət katibinin Avropa və Avrasiya üzrə köməkçisi Karen Donfrid bildirib.
“Hesab edirəm ki, indi Azərbaycan və Ermənistanın bu münasibətlərin normallaşması, sülh yolu ilə nizamlanma axtarışında irəliləmək imkanlarına malik olmasına real ümid var”, - o deyib.
Azərbaycan prezidentinin xarici siyasət məsələləri üzrə müşaviri Hikmət Hacıyevlə bu yaxınlarda keçirdiyi görüşlə bağlı TURANın sualını cavablandıran Donfrid deyib ki, Ermənistan və Azərbaycan arasındakı münasibətlərində son hadisələr söhbətin əsas mövzularından biridir: “Və mən bilirəm ki, bu səfər zamanı Hacıyev ABŞ hökumətinin digər əsas rəsmiləri ilə də görüşüb”.
“Biz hər iki ölkənin, Azərbaycanın və Ermənistanın mühüm addımlar atdığını gördük. Bu, Birləşmiş Ştatların çox həvəsləndiyi bir şeydir”, - o vurğulayıb.
Donfrid həmçinin Bakı və Yerevan arasında münasibətlərdə Avropa İttifaqının “kritik rolunu” qeyd edib.
Bütün region üçün əsas təhlükələr barədə sualı cavablandıran Donfrid “Rusiyanın Ukraynaya qarşı əsassız və amansız müharibəsi”nin adını çəkib, bu, NATO və Avropa İttifaqının timsalında Qərbin birliyinə gətirib çıxarıb.
Donfrid kritik infrastrukturu satın alaraq Avropada öz mövqeyini təmin etməyə çalışan Çinin roluna da toxunub. Çinin Ukraynaya qarşı müharibədə Rusiyaya dəstək mövqeyi avropalıların Çinlə bağlı “qorxusunu” daha da artırıb. -0-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz