![Ambassador Michael Carpenter](https://turan.az/resized/media/2022/main/042800044209-750-500-resize.webp)
Ambassador Michael Carpenter
ABŞ-ın ATƏT-dəki daimi nümayəndəsi: “Rusiya Ukrayna hökumətinin kapitulyasiyasına çalışır və "yeni konstitusiya" hazırlayır”
Kiyev/28.04.22/UNIAN: Aprelin 28-də ABŞ-ın ATƏT-dəki daimi nümayəndəsi, səfir Maykl Karpenter ATƏT-in Vyanadakı Daimi Şurasında bildirib ki, Rusiya Federasiyasının Ukraynaya qarşı müharibəsində məqsəd Ukraynanın demokratik seçilmiş hakimiyyət orqanlarının kənarlaşdırılmasına nail olmaq və ölkədə Ukraynapərəst qüvvələrə rəhbər vəzifələr tutmağı qadağan edən "yeni konstitusiya" hazırlamaqdır.
https://osce.usmission.gov/the-russian-federations-ongoing-aggression-against-ukraine-7/
Bu barədə Karpenterin ABŞ-ın ATƏT-dəki missiyasının saytında dərc edilən bəyanatında deyilir.
"Bizdə məlumat var ki, Rusiyanın gələcək müdaxilə ilə bağlı planlaşdırması Ukraynanın demokratik seçilmiş hökumətinin məcburi kapitulyasiyasını, o cümlədən Ukraynada bütün yerli idarəetmə orqanlarının buraxılmasını əhatə edir", - Karpenter qeyd edib.
Onun sözlərinə görə, işğal edilmiş və Rusiyanın nəzarətində olan Ukrayna ərazilərində "yeni idarəetmə strukturları" yaradılmalıdır.
"Yeni hökumət və yeni konstitusiya üçün planları Rusiyanın vəzifəli şəxsləri və "separatçılar" hazırlayırlar. Bu planlar Ukraynanın qanuni liderlərinə və Ukraynanın qanuni hökumətini dəstəkləyənlərə hər hansı rəhbər vəzifəni tutmağı qadağan edən moratoriumu əhatə edir", - Karpenter bildirib.
Amerikalı diplomat bildirib ki, bu cür hərəkətlər “yeni reallıqlar” tətbiq etmək cəhdlərilə birlikdə dəfələrlə saxta “seçki” proseslərindən istifadə edən, o cümlədən işğala legitimlik görüntüsü vermək məqsədilə saxta referendumlar keçirən Rusiya Federasiyasının metodikasından məlumdur.
Əsasən əvvəllər Krımda, həmçinin Donetsk və Luqansk vilayətlərinin ayrı-ayrı rayonlarında yüksək səviyyədə ictimai dəstəyin imitasiyası ilə bu cür referendum keçirilib. –0—
-
- İqtisadiyyat
- 28 Aprel 2022 14:51
-
- Maliyyə
- 28 Aprel 2022 15:08
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz