![ABŞ-ın Azərbaycandakı Səfiri məcburi köçkünlərə baş çəkib](https://turan.az/resized/750/500/resize/media/2013/main/030500030772.jpg)
ABŞ-ın Azərbaycandakı Səfiri məcburi köçkünlərə baş çəkib
Bu gün ABŞ-ın Azərbaycandakı Səfiri Riçard Morninqstar Bakıda və şəhər ətrafında məcburi köçkünlərin məskunlaşdığı bir neçə icmaya səfər etmişdir. Səfir icmalardakı həyata şəraiti və sakinlərlə yaxından tanış olmaq üçün icmalara səfər etmişdir. Səfir Morninqstar ilk öncə Binəqədi rayonundakı məcburi köçkünlərin məskunlaşdığı yataqxanaya, sonra isə məçburi köçkünlər üçün inşa edilmiş məktəbə baş çəkdi.
Səfir Müşfiqabad qəsəbəsinə səfər edərək yerli sakinlərlə görüşdü, tezliklə məcburi köçknülərin ixtiyarına veriləcək məktəbə baş çəkdi və ərazidə həyata keçirilən infrastruktur layihələri ilə yaxından tanış oldu. Qaçqınların və Məcburi Köçkünlərin İşi üzrə Dövlət Komitəsinin sədr müavini cənab Gəray Fərhadov səfərləri təşkil etdi və Səfiri və onun rəhbərlik etdiyi nümayəndə heyətini səfər ərzində müşayiət etdi.
Səfər ərzində Səfir Morninqstar 90-cı illərdə bir neçə çadır düşərgəsinə baş çəkdiyini və bunun bütün Azərbaycanlılar üçün necə çətin bir məsələ olduğunu anladığını bildirdi. “Mən bilirəm ki, Azərbaycan hökuməti məcburi köçkünlərə və qaçqınlara kömək etmək üçün çoxlu işlər görmüşdür. Mən şadam ki, Birləşmiş Ştatlar və müxtəlif beynəlxalq təşkilatlar da köçkünlərə və qaçqınlara öz köməkliklərini göstərmişlər. Dağlıq Qarabağ münaqişəsini mümkün qədər tez həll etmək və müxtəlif icmalarda müvəqqəti məskunlaşan bu ailələlərə öz evlərinə qayıtmaq imkanı vermək vacibdir” deyə Səfir Morninqstar bildirmişdir. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz