Bakı və Vaşinqton təhlükəsizlik məsələləri üzrə səmərəli əməkdaşlıq edirlər. Bunu Bakıda səfərdə olan ABŞ-ın nəqliyyat komandanı general Darren Makdyu şənbə günü brifinqdə bildirib.
Onun sözlərinə görə, azərbaycanlı hərbçilər üçün NATO ölkələrindən olan həmkarlarının təcrübəsini öyrənmək, birgə xidmət keçmək imkanları yaradılıb. Həmçinin Azərbaycan tərəfinə Qərb ölkələrinin müasir hərbi avadanlıqlarından istifadə imkanları yaradılıb.
O bildirib ki, Azərbaycan təhlükəsizlik sahəsində ABŞ ilə tərəfdaşlığa sadiqdir və Vaşinqton bundan razıdır.
Qeyd edək ki, bundan öncə amerikalı general müdafiə naziri Zakir Həsənov ilə görüşüb. Görüş zamanı Azərbaycan və ABŞ arasında əməkdaşlığın müxtəlif istiqamətlərində əldə edilmiş nailiyyətlər müzakirə olunub. Məlumatı Müdafiə Nazirliyinin mətbuat xidməti yayıb.-02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz