![ABŞ-ın nüfuzlu senatoru Qubad İbadoğlunun "dərhal" azad edilməsi çağırışlarına qoşulur](https://turan.az/resized/media/2023/main/100700067711-750-500-resize.webp)
ABŞ-ın nüfuzlu senatoru Qubad İbadoğlunun "dərhal" azad edilməsi çağırışlarına qoşulur
Vaşinqton/07.10.23/Turan: Prezident Co Baydenin dünyada ən nüfuzlu emissarlarından biri kimi tanınan ABŞ-ın Delaver ştatından olan senator Kris Kuns cümə günü öz həmkarlarına qoşularaq, Azərbaycan hökumətini Qubad İbadoğlunu dərhal azad etməyə çağırıb, bu barədə Turan-ın Vaşinqtondakı müxbiri bildirib.
"Məşhur iqtisadçı doktor Qubad İbadoğlu iyul ayında Azərbaycan hökuməti tərəfindən qanunsuz olaraq saxlanılıb", deyə Kunsun bəyanatında bildirilir.
"Doktor İbadoğlunun səhhətinin pis olması və həbsxanada ona qarşı amansız rəftar haqqında məlumatlar məni narahat edir və mən həmkarlarımın onun dərhal və qeyd-şərtsiz azad edilməsi çağırışlarını dəstəkləyirəm", deyə o, əlavə edib.
Azərbaycanda demokratik prinsipləri və sosial-iqtisadi irəliləyişi dəstəkləyən hörmətli iqtisadçı İbadoğlu iyuluun 23-də Bakı ətrafında saxlanılıb.
Ona qarşı mütəşəkkil dəstə tərəfindən saxta pul hazırlama, həmçinin dini ekstremizm materiallarını hazırlama, saxlama və yayma ittihamları irəli sürülüb. O, bu ittihamları qətiyyətlə təkzib edir.
O, ciddi xəstəliklərdən əziyyət çəkir və onu həyati əhəmiyyətə malik dərmanları əldə etmək və tibbi müayinədən keçmək imkanından məhrum edirlər.
Bayden Administrasiyası və ondan çox senator da daxil olmaqla, Konqresin liderləri Azərbaycan hökumətini İbadoğlunu humanitar əsaslarla dərhal azad etməyə çağırıb. 0
-
- Siyasət
- 7 Oktyabr 2023 10:31
-
- Mədəniyyət
- 7 Oktyabr 2023 11:15
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz