6 oktyabr 19:00-da Bakı Caz festivalının açılışı baş tutub. Açılış “Unbar” restoranında keçirilib. Açılışda Amerika səfirliyinin mədəniyyət işləri üzrə müşaviri Salman Hacı çıxış edib. Onun sözlərinə görə bu ilki Caz festivalının sponsorlarından biri də Amerika səfirliyidir.
“Azərbaycanlılar, amerikalılar və burada olan bütün ölkələrin vətəndaşları ilə birgə caza olan sevgini birlikdə bölüşdüyünümüz üçün fəxr edirik”.
Səfir çıxışında caz müsiqisinin tarixi haqqında qısa məlumat verib.
Açılışda festivalın təsisçisi və bədii rəhbəri Rain sultanov da çıxış edib. O festivalın proqramı haqqında məlumat verib.
Çıxışlardan sonra Feti Blue&Sinem (Türkiyə) , Vadim Abramov, Bakuba band, DJ Graf caz ifaçıları gecə boyu müxtəlif mahnılarla çıxış edib. Açılış zamanı yerli caz ifaçıları da qonaqlar arasında yer alıb.
Festival 6-15 oktyabr tarixlərini əhatə edir. Festivalın tədbirləri müxtəlif məkanlar - Muğam mərkəzi, Heydər Əliyev Mərkəzi, Qurban Səid restoranında baş tutacaq. Festivalın proqramında müsabiqə, “Jam session”, qaliblərlə görüş, Eldar Qurbanovun “Cazın ağ quşları” sərgisi nəzərdə tutulub. 
Qeyd edək ki, festival 2005-ci ildən etibarən keçirilir. Festivalın əsas komandası Rain Sultanov ( təsisçisi və bədii rəhbəri), Rauf Əliyev (“İ am Jazzman” A+A çirkətinin prezidenti), Leyla Əfəndiyeva( Festival direktoru, Caz Dünyası jurnalının redaktoru) ibarətdir. 2006-cı ildə dünayanın ən böyük caz festivalları sırasına daxil edilib. Festivalın əsas məqsədi ölkələr arasında mədəni əlaqələri gücləndirmək və Azərbaycan caz tarixinin qorunması, davam etdirilməsidir.
Mədəniyyət
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
Rəy yaz