ABŞ-ın Putinin Türkiyəyə planlaşdırılan səfəri haqqında şərhi
Bazar ertəsi ABŞ Dövlət Departamenti Rusiya prezidenti Vladimir Putinin gələn həftə Türkiyəyə səfər edəcəyi haqqında xəbərə münasibət bildirib. Bu, 2022-ci ilin fevralında Ukraynaya hücumun başlamasından sonra onun NATO ölkəsinə ilk səfəri olacaq.
"Hər hansı ölkə Rusiyanın zərərli hərəkətlərinin dayandırılmasında əhəmiyyətli rol oynaya bilsə, bunu alqışlayarıq", deyə Dövlət Departamentinin mətbuat katibinin müavini Vedant Patel Vaşinqtonda keçirilən brifinqdə bildirib.
Öz növbəsində, Türkiyənin XİN başçısı Hakan Fidan bildirib ki, prezident Recep Tayyip Erdoğan Putinlə Ukrayna taxılının qara dəniz vasitəsilə ixracına imkan verən "yeni mexanizmi" müzakirə edəcək.
Patel həmçinin deyib ki, Türkiyə Qara Dəniz taxıl təşəbbüsünün həyata keçirilməsində mühüm rol oynayıb, "buna görə biz əvvəlki kimi hesab edirik ki, Ukrayna taxılının çatdırılacağı yerə çatması həddindən artıq vacibdir", deyə o, əlavə edib.
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz