![Açiq mənbələrdən foto.](https://turan.az/resized/750/500/resize/media/2023/main/060700063130.webp)
Açiq mənbələrdən foto.
ABŞ İrana qarşı yeni sanksiyalar elan edib
Vaşinqton/07.06.23/Turan: Çərşənbə axşamı Bayden Administrasiyası İran, Çin və Honkonqdan İranın ballistik raket proqramının inkişafı ilə əlaqəsi olan bir qrup şəxsə və firmaya qarşı yeni sanksiyaları açıqlayıb. Bu barədə Turan-ın Vaşinqtondakı müxbiri bildirib.
Bu addım Tehranın ilk hipersəs ballistik raketini təqdim etməsindən sonra atılıb.
Sanksiyalara məruz qalanlar arasında Qingji şirkətinin, Çinin Zhejiang Qingji firmasının, Honkonqun Lingoe Process Engineering Limited şirkətinin rəhbərləri və başqaları var.
ABŞ "İranın ballistik raket istehsalını və digər hərbi proqramlarını dəstəkləyən qanunsuz transmilli satınalmaları izləməyə davam edəcək", deyə ABŞ-ın maliyyə nazirinin müavini Brayan Nelsonun bəyanatında bildirilir.
"İranın Pekindəki hərbi attaşesi Davud Damqani Çindən iranlı istifadəçilər üçün müdafiə təyinatlı satınalmaları əlaqələndirirdi", deyə Dövlət Departamentinin ayrıca bəyanatında bildirilir.
"Birləşmiş Ştatlar əvvəlki kimi İranın satınalmalar şəbəkəsini pozmaq üçün əlində olan bütün alətlərdən istifadə etmək qətiyyətindədir və biz İranı öz hərəkətlərinə görə məsuliyyətə cəlb etmək üçün müttəfiqlərimiz və tərəfdaşlarımızla işləyəcəyik", deyə Dövlət Departamenti bildirib. 0
-
- Keçmiş Sovet məkanı
- 7 İyun 2023 11:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz