Açiq mənbələrdən foto.
Vaşinqton /07.04.23 / Turan: Cümə axşamı Dövlət Departamenti İranı siyasi məhbuslarla amansız rəftara görə pisləyib, Turan-ın Vaşinqton müxbiri bildirib.
"İranın siyasi məhbuslarla amansız rəftarında məqsəd adamları qorxutmaq və özgəfikirliliyi yatırmaqdır və bu, İran hakimiyyətinin öz xalqından nə qədər qorxduğunun göstəricisidir", - Dövlət Departamentinin mətbuat katibinin müavini Vedant Patel gündəlik brifinqdə bildirib.
Patelin şərhi İran hakimiyyətinin populyar hip-hop ifaçısı Tumac Salehiyə işgəncə verdiyi və onun təcili tibbi yardıma ehtiyacı olduğuna dair xəbərlərə cavab olaraq səslənib.
"İran rejiminin Tumac ilə rəftarı təəssüf ki, insan hüquqlarının pozulmasına dair çoxsaylı faktlardan yalnız biridir", - Patel əlavə edib.
"Biz İran rəhbərliyini Tumacı və digər siyasi məhbusları dərhal azad etməyə, ona lazımi tibbi yardım göstərməyə çağırırıq",- Patel deyib.
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz