ABŞ Konqresi Helsinki Komissiyası Xədicə İsmayılovanın azadlığa buraxılmasını tələb edir
Ötən gün jurnalist Xədicə İsmayılovanın barəsində çıxarılan sərt hökmə cavab olaraq ABŞ Konqresi Helsinki Komissiyası bəyanatla çıxış edərək Azərbaycan hakimiyyətinin hərəkətini pisləyib.
Komissiyanın sədri Kristofer Smit və həmsədr, senator Rocer Uikerin adından yayılan bəyanatda deyilir: “Biz bu hökmdən və xanım İsmayılovanın həbsindən çox narahatıq. O, Azərbaycan hökumətində korrupsiyanı ifşa etmək cəhdinə görə azadlıqdan məhrum edilib.
Ötən ilin dekabrında onun həbsi və “Azadlıq” radiosunun Bakı bürosunun bağlanması mətbuat azadlığına birbaşa hücumdur. Bu hərəkətlər Azərbaycanın çoxsaylı beynəlxalq öhdəliklərinə və ölkənin daxili qanunlarna ziddir.
Biz Azərbaycan hakimiyyətini Xədicə İsmayılovanı və digər vicdan məhbuslarını dərhal azad etməyə çağırırıq”, - bəyanatda bildirilir.-02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz