ABŞ Konqresi Qlobal Maqnitski Qanununu qəbul edib. Onun sanksiyaları Azərbaycan məmurlarına da şamil ediləcək

ABŞ Konqresi cümə axşamı icra hakimiyyətinin bütün dünyada korrupsiyaya uğramış, dövlət əmlakını mənimsəyən və jurnalistləri və hüquq müdafiəçilərini təqib edən məmurlara qarşı sanksiyalar tətbiq etmək hüququnu genişləndirən tarixi qanun layihəsini dəstəkləyib.

Qlobal Maqnitski Qanunu imzalanması üçün ölkə prezidentinə təqdim ediləcək və ilin sonuna qədər imzalanacağı gözlənilir.

Bundan sonra Administrasiya təkcə insan hüquqlarını pozanlara qarşı sanksiyalar qoymaq hüququ əldə etməyəcək, həm də Konqresin bu cür pozuntuları araşdıracaq şəxsləri təyin etməsində iştirak edəcək.

Qanunun müəllifi senator Ben Kardin və konqresmen Kris Smitdir. Sənəd hazırlanarkən Konqresin 2012-ci ildə qəbul etdiyi, məşhur vəkil Maqnitskinin qətlində təqsirli olan Rusiya məmurlarına qarşı sanksiyalar tətbiq edən Maqnitski Qanunu əsas götürülüb.

Hazırki qanun Rusiya, Azərbaycan da daxil olmaqla, avtoritar hökumətləri, habelə bütün il ərzində qanunun qəbuluna mane olmağa çalışan geniş lobbiçilik kampaniyasını hədəf alıb.

Lobbiçilərin səyini uzun müddət bir neçə görkəmli qanunverici, o cümlədən Dana Rorabaxer ifadə edib. O, hazırda yeni prezident Donald Trampın katibi roluna namizəddir.

Amma dekabrın 7-də Vaşinqtonda çıxış edərkən Rorabaxer deyib ki, əslində o, qanun layihəsinin tərəfdarıdır.

"Mən sadəcə bu qanuna inanmıram, ona görə ki, o, həqiqət olan və ya olmayan bir hadisəyə əsaslanır...", deyə o, Turan-ın müxbiri ilə söhbətində bildirib.

Qanunun Azərbaycanda hüquqları pozanlara qarşı həyata keçirilməsini dəstəkləyib-dəstəkləməyəcəyi barədə suala cavabda konqresmen deyib: "Konkret məmur həqiqətən Azərbaycanda və ya başqa bir yerdə insan hüquqlarının pozulmasında təqsirlidirsə, o və ya onlar cəzalandırılmalıdır".

Maqnitski Aktının Rusiyadan başqa ölkələrə şamil edilməsi ABŞ-ın azadlığa və fərqli düşüncə hüququna sadiqliyini möhkəmləndirir, deyə öz növbəsində sənədin daha bir həmmüəllifi, konqresmen Cima Makqovern bildirib.

Dekabrın 8-də İnsan Hüquqları Komissiyasının təşkil etdiyi brifinqdə çıxış edən konqresmen Makqovern deyib ki, ABŞ və onun müttəfiqlərinin, habelə beynəlxalq ictimaiyyətin qalan hissəsinin qlobal insan hüquqlarının müdafiəsinə qalxmasının və diqqəti nə edə biləcəkləri üzərində cəmləşdirməsinin vaxtı çatıb. "Bir neçə döyüşdən qalib çıxsaq da, qorxuram hələ də müharibəni uduza bilərik", deyə o bildirib.

Bütün dünyada insan hüquqlarını pozanlar insanların onların cəzalandırılmasını tələb etməsindən narahat olmalıdır. "Onlar nəinki ABŞ-da gələ bilməyəcəklər, öz pullarını da burada gizlədə bilməyəcəklər", deyə o, Turan-ın müxbirinə bildirib. -25В-