Bu həftənin əvvəlində bir qrup ABŞ konqresmeninin köməkçisi Bakıya gəlib. Səfərin məqsədi və nümayəndə heyətinin tərkibi haqda məlumat verilmir.
Milli Məclisin mətbuat xidmətinin məlumatına görə, qonaqlar Beynəlxalq münasibətlər və parlamentlərarası əlaqələr komitəsində görüş keçiriblər, ikitərəfli münasibətləri müzakirə ediblər.
Məlumatlı mənbələrdən Turan-a bəlli olub ki, avqustun 16-da iqtisadi inkişaf və rabitə nazirləri qonaqları qəbul ediblər.
Həmçinin hökumətyönlü gənclər təşkilatlarının nümayəndələri ilə görüş olacaq, qonaqlar şəhərin görməli yerləri ilə tanış olacaqlar.-16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz