Bu gün Mərkəzi Seçki Komissiyası (MSK) Bütöv Azərbaycan Xalq Cəbhəsi Partiyasının sədri Qüdrət Həsənquliyev və Sosial-Demokrat Partiyasının sədri Araz Əlizadənin prezidentliyə namizədliyini təsdiq edib. Bununla da namizədliyi təsdiq olunmuş şəxslərin sayı 8-ə çatıb.
MSK namizədliyi təsdiq olunmuş hər iki şəxsin MSK-da səlahiyyətli nümayəndələrini də təsdiq edib.
İndiyədək MSK YAP sədri, hazırkı prezident İlham Əliyevin, Azadlıq Partiyasının sədri Əhməd Orucun, Vətəndaş və İnkişaf Partiyasının sədri Əli Əliyevin, Azərbaycan Liberal Demokrat Partiyasından sədri Fuad Əliyevin, İlqar Məmmədovun (Altay), Ümid Partiyasının sədri İqbal Ağazadənin namizədliyini təsdiq edib.
Namizədliyi təsdiq olunmuş şəxslər MSK-da prezidentliyə namizəd kimi qeydə alınmaq üçün 40 min seçici imzası toplamalıdır. -03B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz