Cümə günü Türkmənbaşı şəhərində Türkmənistan prezidenti Qurbanqulı Berdımuhammedovla Türkiyənin baş naziri Rəcəb Tayyip Ərdoğanın görüşü olub. Görüş başa çatdıqdan sonra tərəflər yeni Türkmənbaşı beynəlxalq dəniz limanının təməl qoyuluşunda iştirak ediblər.
Türkmənistan KİV-nin məlumatına görə, iki ölkə lideri öz çıxışında qeyd ediblər ki, Xəzərdə yeni liman Asiya və Avropa ölkələri arasında iqtisadi əməkdaşlığın möhkəmləndirilməsinə imkan verəcək müasir, nəqliyyat infrastrukturunun mühüm halqası olacaq.
Yeni liman layihəsi bərə, sərnişin və konteyner terminallarının inşasını nəzərdə tutur. Kompleksə ümumi yük terminalı, dənəvər yüklər üçün terminal, həmçinin gəmilərin inşası və təmiri zavodu daxil olacaq. Liman xəttinin ümumi uzunluğu 3 min 607 metr olacaq.
Tikintinin müddəti 48 aydır. Tikinti üzrə tenderin qalibi Türkyənin “Gap Inşaat” şirkətidir. Layihənin dəyəri açıqlanmır.-02D-
İqtisadiyyat
-
Azərbaycan, “Paşa Holding” dəstəyi ilə və Kiçik və Orta Sahibkarlığın İnkişafı Agentliyi (SME), Azərbaycan Gömrük nümayəndəliyi və Logistika Şirkətləri Assosiasiyası tərəfindən birgə təşkil olunan Ticarət Forumuna 1 Oktyabrda ev sahibliyi edəcək.
-
İlk Mərkəzi Asiyada enerji keçidi üzrə İnvestisiya Forumu 15-16 Noyabr tarixlərində Azərbaycan paytaxtı Bakı şəhərində keçiriləcək. Forum, Birləşmiş Millətlər Beynəlxalq Bərpa Olunan Enerji Agentliyi (IRENA) və Azərbaycan Enerji Nazirliyi tərəfindən COP29 konfransının bir hissəsi olaraq təşkil olunur.
-
Sentyabrın 19-20-də Bakıda keçirilən dəmir yolu administrasiyalarının məsləhət toplantısında "Azərbaycan Dəmir Yolları" QSC-nin (ADY) sədri Rovşən Rüstəmov "TCDD Taşımacılık" Türkiyə Dövlət Dəmir Yolları şirkətinin baş direktoru və idarə heyətinin sədri Ufuk Yalçın ilə görüşüb. Bu il ikinci dəfə keçirilən görüşdə rəsmilər Azərbaycan və Türkiyə arasında dəmir yolu nəqliyyatı sahəsində əməkdaşlığın genişləndirilməsi məsələlərini müzakirə ediblər.
-
İqtisadi İslahatların Təhlili və Kommunikasiya Mərkəzi (CAERC) cari ilin birinci yarısına dair "Azərbaycan Respublikasının işğaldan azad edilmiş ərazilərinə Böyük Qayıdış üzrə I Dövlət Proqramı"nın icrası ilə bağlı monitorinq və qiymətləndirmə prosesini başa çatdırıb. Bu dövlət proqramı 2020-ci ildə Qarabağ münaqişəsi zamanı geri qaytarılmış ərazilərdə infrastrukturun bərpası və məcburi köçkünlərin məskunlaşdırılmasına yönəlib.
Rəy yaz