ABŞ Kosmik qüvvələrinin nümayəndəsi: “Rusiya "kəskin problem"ə çevrilib”

Nyu York /15.04.23/Turan: Çin kosmik arenada ABŞ-ın əsas rəqibi olaraq qalır, Rusiya isə bu gün "kəskin problemə" çevrilib, cümə günü ABŞ Kosmik qüvvələrinin yüksək vəzifəli nümayəndəsi bildirib.

Nyu-Yorkdı Xarici Mətbuat Mərkəzində jurnalistlər qarşısında çıxış edən Kosmik qüvvələrin nümayəndəsi, general-mayor Con Olson xatırladıb ki, ABŞ və Rusiya arasında qırmızı telefon var- son dərəcə ağır vəziyyətdə istifadə üçün rabitə xətti.

Müasir saxlama, müdafiə və təhlükəsizlik üsulları mövcuddur. ABŞ öz maraqlarını, tərəfdaşlarının və müttəfiqlərinin maraqlarını dəstəkləməyə və müdafiə etməyə hazırdır, o deyib.

Ukraynaya yardım göstərilməsində kosmik qüvvələrin rolu ilə bağlı Turan-ın sualını cavablandıran Olson deyib ki, kosmos Ukraynadakı hərbi əməliyyatları və onların nəticələrini anlamaqda mühüm rol oynayır.

Onun sözlərinə görə, Ukraynada müharibə "tükənmə müharibəsi idi, eyni zamanda ilk bilik müharibəsidir".

Sonra o dəqiqləşdirib: "Hadisələr baş verənləri dəqiq görmək və anlamaq üçün müasir texnologiyaların nə qədər böyük əhəmiyyət daşıdığını göstərdi. Logistika, məlumatlılıq, monitorinq və silahın dəqiq idarə edilməsi nə qədər vacibdir".

"Ukrayna xalqına dəstək  üçün sənayenin, hökumətlərin və beynəlxalq birliyin NATO-nun rəhbərliyilə güclü beynəlxalq koalisiyada bir-birinə inanılmaz yaxınlaşması baş verdi, bu, çox vacibdir”.

Bütün bunlarda ABŞ Silahlı Qüvvələrinin ən gənc qolu - bu yaxınlarda üç yaşı tamam olan Kosmik qüvvələr mühüm rol oynayıb”,-  general-mayor Olson qeyd edib. 0