ABŞ öz vətəndaşlarını Ermənistan-Azərbaycan sərhəddinə səfərlərdən çəkinməyə çağırıb

Vaşinqton ABŞ-ın dövlət məmurlarının təhlükəsilzik məqsədilə Ermənistan-Azərbaycan sərhəddinə gedişinə məhdudiyyət qoyub. Bu, iki ölkə sərhədində gərginliyin artması ilə əlaqədar edilib. Bu barədə Turan-a Vaşinqtondakı diplomatik mənbələrdən məlum olub.

ABŞ-ın Bakıdakı və Yerevandakı səfirlikləri də öz vətəndaşlarını bu regiona səfərlərdən çəkinməyə çağırıblar.

Bu fonda ABŞ Dövlət Departamenti bazar ertəsi növbəti dəfə Bakı və Yerevanı  təmas xəttində gərginliyin azaldılması məqsədilə tədbirlər görməyə çağırıb.

“Bu münaqişənin hərbi yolla həlli yoxdur”, - Dövlət Departamentinin mətbuat katibi Cen Psaki brifinqdə bildirib.

Ermənistan və Azərbaycan prezidentlərinin avqustun 8-9-da Soçidə gözlənilən görüşü ilə bağlı sualın cavabında Psaki deyib ki, bu görüş barədə məlumatlı deyil.

Öz növbəsində BMT-nin baş katibi Pan Gi Mun bazar ertəsi regionda zorakılığın yenidən başlanmasının əleyhinə çıxıb, Bakı və Yerevanı atəşkəs rejiminə əməl etməyə çağırıb.

BMT baş katibinin mətbuat xidmətinin bəyanatında tərəflər atəşkəsə hörmət etməyə, zorakılıqdan çəkinməyə, təcili de-eskalasiyaya və sürətli və dinc siyasi həll yolunun tapılması üçün dialoqu davam etdirməyə çağırır”.-25В-