BMT baş katibi Pan Gi Mun Azərbaycan və Ermənistan qüvvələrinin təmas xəttində toqquşmaların qızışmasından narahatlığını bildirib.
Baş katibin açıqlamasında deyilir:
“Baş katib ATƏT Minsk Qrupu həmsədrlərinin və başqa beynəlxalq tərəfdaşların təmas xəttində və Ermənistan-Azərbaycan sərhədində gərginliklərin və zorakılıqların artması ilə bağlı ifadə etdikləri dərin narahatlığı paylaşır. Ötən günlərdə baş verənlər bir çox itkilərlə nəticələnib. Baş katib bütün tərəfləri atəşkəsə hörmət etməyə, zorakılıqdan çəkinməyə, təcili de-eskalasiyaya və sürətli və dinc siyasi həll yolunun tapılması üçün dialoqu davam etdirməyə çağırır.
Baş katib ATƏT Minsk Qrupu və bütün tərəflərin bu təhlükəli situasiyanı aradan qaldırmağa və Dağlıq Qarabağ münaqişəsinin dinc həllinə yönəlik səylərini tam dəstəkləyir”, - bəyanatda qeyd olunur.-03D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz