Açiq mənbələrdən foto.
Vaşinqton/07.11.23/Turan: Bazar ertəsi ABŞ Gürcüstanda rusiyalı əsgərlərin yerli vətəndaşı öldürməsini pisləyib, Turan-ın Vaşinqton müxbiri bildirib.
Gürcüstan vətəndaşı Tamaz Ginturi Gori bələdiyyəsinin Kirbali kəndi yaxınlığında rusiyalı işğalçı qüvvələrin atəş açması nəticəsində həlak olub.
"Biz başsağlığı veririk", - Dövlət Departamentinin rəsmi nümayəndəsi Metyü Miller deyib. "Bu ölüm Rusiyanın Gürcüstanın suveren ərazisinin işğalını davam etdirməsindən irəli gələn dağıntıların bariz nümunəsidir", - Miller əlavə edib.
Bu, Rusiyanın işğal etdiyi Cənubi Osetiya ilə sərhəd yaxınlığında baş verən və ölümlə nəticələnən ilk insidentdir, sərhəd ətrafında dinc şəxslərin həbsi isə müntəzəm olaraq baş verir.
Gürcüstan prezidenti Salome Zurabişvili təcili olaraq beynəlxalq birliyi "bütün beynəlxalq normaları kobud və həyasızcasına pozan Rusiyanın hərəkətlərini qeyd-şərtsiz qınamağa" çağırıb.
"Qanunsuz həbs zamanı rusiyalı işğalçı qüvvələrin Gürcüstan vətəndaşına atəş açmasından çox hiddətləndim. Gürcüstan dövlətçiliyinə bu hücum "dindaş- qardaş"ın əsl mahiyyətini bir daha ortaya qoyur”, - o, Tvitterdə yazıb. 0
Siyasət
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
-
Qazaxıstanın Aktau şəhəri yaxınlığında baş verən təyyarə qəzası nəticəsində xəsarət alan şəxslərdən ümumilikdə 5 nəfərin (1 kişi, 4 qadın cinsli) müalicəsi Yeni Klinikada davam etdirilir.
Rəy yaz