ABŞ Rusiyanın "nüvə təlimləri"nin təhlükəsi və Moskvanın "məsuliyyətsiz ritorikası" barədə
ABŞ Rusiyanın "nüvə təlimləri"nin təhlükəsi və Moskvanın "məsuliyyətsiz ritorikası" barədə
Kreml nüvə təlimlərinin keçirilməsi barədə elan etdikdən sonra bazar ertəsi ABŞ Rusiyanın "məsuliyyətsiz ritorikasını" pisləyib. Eyni zamanda, ABŞ Rusiyanın strateji mövqeyində heç bir dəyişiklik görmür.
"Bütün münaqişə boyu Rusiyanın nüvə ritorikası gülünc və məsuliyyətsizdir", - Dövlət Departamentinin nümayəndəsi Metyu Miller brifinqdə Turan-ın suallarını cavablandırarkən bildirib.
"Bununla belə, biz bu bəyanatlara cavab olaraq öz nüvə siyasətimizi tənzimləmək üçün heç bir səbəb görmürük, həmçinin Rusiyanın Ukraynada nüvə silahı tətbiq etməyə hazırlaşdığına dair əlamətlər görmürük", - Miller əlavə edib.
Bazar ertəsi Kreml artıq nüvə təlimlərinə hazırlaşmağa "başladığını" bildirib və günahı Ukraynaya qoşun göndərmək niyyətini ifadə edən "Fransa və digər ölkələrin" üzərinə atıb.
Öz növbəsində, Kiyev Moskvanın bəyanatını "Putin rejiminin nüvə şantajı" adlandırıb.
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz