ABŞ Putini legitim prezident kimi tanımır
Turanın Vaşinqton müxbiri xəbər verir ki, bazar ertəsi ABŞ Vladimir Putinin andiçmə mərasimində iştirak etmədiyini açıqlayıb.
Vaşinqton Putini legitim prezident hesab edirmi? Turanın bu sualına Dövlət Departamentinin sözçüsü Metyu Miller brifinqdə belə cavab verib: “Əlbəttə, biz bu seçkiləri azad və ədalətli hesab etmirik, lakin o, prezident kimi fəaliyyətini davam etdirir. Nümayəndəmiz orada olmayacaq... Özünüz nəticə çıxarın”.
Mart ayında Kreml Putinin ən tanınmış rəqibi Aleksey Navalnının həbsdə ölməsindən bir neçə həftə sonra, beşinci müddətə prezident seçkilərində onun “inandırıcı qələbəsini” elan etdi.
Bazar ertəsi Rusiya KİV-i Kremlin yüksək rütbəli rəsmisinə istinadən bildirib ki, bugünkü inauqurasiya mərasiminə Moskvadakı bütün xarici diplomatik nümayəndəliklərin rəhbərləri dəvət olunub.
Aİ həftə sonu elan etdi ki, bloka üzv olan ölkələrin əksəriyyətinin mövqeyinə uyğun olaraq, Moskvadakı səfiri mərasimdə iştirak etməyəcək. Bu arada, medianın məlumatına görə, təxminən yeddi Aİ üzv dövlətinin nümayəndələrini göndərəcəyi gözlənilir.
İnauqurasiya Putinin Ukraynaya genişmiqyaslı işğalına başlamasından 2,5 il sonra baş tutacaq. Ukrayna Xarici İşlər Nazirliyi bazar ertəsi bildirib ki, Kiyev Putini demokratik yolla seçilmiş və legitim prezident kimi tanımaq üçün “heç bir hüquqi əsas görmür”.
Bugünkü mərasim “Rusiya Federasiyasını təcavüzkar dövlətə, hakim rejimi diktaturaya çevirən şəxsin demək olar ki, ömürlük hakimiyyətdə qalması ilə bağlı legitimlik illüziyasını” yaratmaq məqsədi daşıyır”, - deyə Ukrayna Xarici İşlər Nazirliyi qeyd edib.
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz