Vaşinqton/30.03.22/Turan: Çərşənbə axşamı Vaşinqton Moskvanın Türkiyədə Ukrayna və Rusiya rəsmiləri arasında davam edən danışıqlara etimadı artırmaq üçün Ukraynadakı əməliyyatları məhdudlaşdırmaq vədlərinə dərin şübhə ilə reaksiya verib.
Hələlik nəticə çıxarmaq tezdir, deyə prezident Co Bayden Moskvanın Kiyevdə əməliyyatların azaldılması haqqında bəyanatı ilə əlaqədar jurnalistlərə bildirib, xəbəri Turan-ın Vaşinqton müxbiri verib.
İstanbulda Ukrayna və Rusiya rəsmiləri arasında danışıqlar, görünür, yüksək səviyyədə mümkün görüşə doğru müəyyən irəliləyiş əldə edilməsinə gətirib çıxarıb. Amma Kiyev və Çerniqov ətrafında Rusiyanın hücumlarının azalmasına baxmayaraq, digər istiqamətlərdə, xüsusən Ukraynanın cənubunda və şərqində hücumlar zəifləmir, hətta artır, Pentaqonda belə hesab edirlər.
"Biz Rusiyanın Ukraynanın digər bölgələrinə hücum edəcəyini gözləyirik", deyə Pentaqonun mətbuat katibi Con Kirbi jurnalistlərə bildirib.
"Biz Rusiyanın bir ay daxili auditoriyanı "Donbası azad etməklə" məşğul olduğuna inandırmağa çalışdığını gördük. Amma Ukraynaya hücum göstərdi ki, Kremlin əsl niyyəti demokratik yolla seçilmiş hökuməti devirmək və Ukraynanın böyük hissəsini işğal etmək idi", deyə Kirbi qeyd edib.
Çərşənbə axşamı Bayden Fransa prezidenti Emmanuel Makron, Almaniya kansleri Olaf Şolts, İtaliya baş naziri Mario Draqi və Böyük Britaniya baş naziri Boris Consonla danışıb.
Liderlər Ukraynaya hücuma görə Rusiyaya qarşı sanksiyaları və Ukraynaya təhlükəsizlik sahəsində köməyi davam etdirməkdə qətiyyətli olduqlarını təsdiq ediblər, deyə Ağ Evin məlumatında bildirilir.
Çərşənbə axşamı axşam saatlarında Vaşinqton Rusiya kəşfiyyatının Avropadan və bütün dünyadan qovulmasını alqışlayıb. "Tərəfdaşlarımızın qeyd etdiyi kimi, bu, Ukraynaya qarşı təcavüzə cavabdır. Biz onların milli təhlükəsizliyini Rusiya Federasiyası kəşfiyyatının təhdidlərindən qorumaqda tərəfdaşlarımızla həmrəyik", deyə Dövlət Departamentinin bəyanatında bildirilir. -025B-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz