ABŞ səfiri Azərbaycanda dini tolerantlıq haqqında

Şəkidə tanışlıq gəzintisində olan ABŞ səfiri Robert Sekuta Kiş kəndində Alban kilsəsinə baş çəkərkən Azərbaycanda dini tolerantlıq haqqında təəssüratlarını bölüşüb. Səfirliyin saytında yer alan səfirin şərhində deyilir ki, bu kilsəyə səfər ilhamverici və maraqlıdır. Bu kilsəni yenidən quran v bərpa edən komanda müstəsnadır.

“Tur Heyerdal və Norveç hökumətinin bu abidənin qorunub saxlanmasında iştirak etməsi xoş təsir bağışlayır. Azərbaycan hökuməti həmçinin bu mədəni irsin bərpasında iştirak edib. Bütün bunlar Azərbaycan tarixini və tolerantlılıq ənənəsini əks etdirir”, deyə səfir yazır.

Maraqlıdır ki, kilsə müsəlmanların yaşadığı kənddə bərpa edilib. Azərbaycan tarixi dözümlülük və bütün irqlərin və dinlərin dostluğu tarixi kimi təfsir olunur.

““Krasnaya Sloboda” qəsəbəsində dağ yəhudilərindən də eyni şeyi eşitdim və gördüm, burada onlar dəstək və ev tapıblar. Lakin tolerantlıq bu dünyada çox kövrək bir şeydir.

Bir çox qüvvələr Azərbaycanda başqalarına qarşı olan hörmətə qarşıdır. Hər bir millətdə və hər nəsildə biz bu yaxşı təmayülləri qoruyub saxlamalı və möhkəmləndirməli, habelə dözümsüzlük qüvvələrinə qarşı çıxmalıyıq”, deyə o bildirib. -02D-