Dini Qurumlarla İş üzrə Dövlət Komitəsində (DQİDK) Nazirlər Kabinetinin 2014-cü il 9 iyun tarixli “Nəzarət markasının forması, uçotu, istifadəsi və verilməsi Qaydaları”na dəyişikliklər qərarı ilə bağlı çərşənbə axşamı nəşriyyat və mətbəə nümayəndələrilə görüş keçirilib.
Komitə sədri M.Qurbanlı ölkə müstəqilliyini bərpa etdikdən sonra kitab, jurnal, qəzet nəşrinin geniş yayıldığını, bu sahədə geniş rəqabət mühiti yarandığını iddia edib.
M.Qurbanlı bütün dünyada dindən sui-istifadə hallarının geniş yayıldığını bildirib. Onun sözlərinə görə, Azərbaycanda dini etiqad azadlığından sui-istifadə hallarının qarşısını almaq üçün dövlət önləyici tədbirlər görür. Dövlətin milli və ictimai təhlükəsizliyi qorumaq üçün dini ədəbiyyat üzərində müəyyən nəzarət həyata keçirdiyini deyən komitə sədrinə görə, bu, senzura deyil.
M.Qurbanlı bildirir ki, dövlətin bu yöndə həyata keçirdiyi siyasət sadəcə radikal yönümlü fəaliyyətin, o cümlədən məzhəblərarası münasibətləri qızışdırmaq, Azərbaycanda konstitusion quruluşun əleyhinə bu və ya digər formada, dini pərdə altında gizlənən hər-hansı qrupun qarşısını almaq üçündür. “Azərbaycan dünyəvi dövlətdir, ölkədə bütün dinlər, o cümlədən ölkə əhalisinin mütləq əksəriyyətinin mənsub olduğu islam dininin daha geniş şəkildə və düzgün öyrənilməsi qanunla tənzimlənir”, deyə komitə sədri qeyd edir.
Nəşriyyat və mətbəələrin üzərinə düşən vəzifələrdən danışan M.Qurbanlı bu yöndə proseslərin milli maraqlar çərçivəsində həll edilməli olduğunu vurğulayıb.
Daha sonra DQİDK-nın Dinşünaslıq Ekspertizası şöbəsinin müdiri Nahid Məmmədov dini ədəbiyyatın nəşrində nəzarət markasının tətbiqi qaydaları haqda danışıb.
Komitənin hüquq və qeydiyyat şöbəsinin müdiri Bəhruz Müslümov müvafiq qərarın icrasının hüquqi tərəflərini, nəzarət markasının tətbiqinin hüquqi yönləri, qanun pozuntusu olduğu halda qanunvericilikdə nəzərdə tutulan cərimələr, eləcə də İnzibati Xətalar Məcəlləsi ilə təsbit olunan hallarla bağlı nəşriyyat və mətbəə nümayəndələrini məlumatlandırıb. -05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz