![US Ambassador to Armenia Lynn Tracy](https://turan.az/resized/750/500/resize/media/2021/main/091100038189.jpg)
US Ambassador to Armenia Lynn Tracy
ABŞ səfiri: Dağlıq Qarabağın statusu məsələsi danışıqlar gündəliyində qalmaqdadır
Bakı/11.09.21/Turan: Dağlıq Qarabağın statusu məsələsi ATƏT-in Minsk Qrupunun həmsədrlərinin vasitəçiliyi ilə aparılan danışıqların gündəliyində qalmaqdadır, bu barədə şənbə günü Yerevanda ABŞ-ın Ermənistandakı səfiri Linn Treysi jurnalistlərə bildirib, xəbəri Sputnik-Armenia yayıb.
Onun sözlərinə görə, ABŞ tərəflərin danışıqlar masasına qaytarılması üçün əlindən gələni edir, məsələni yalnız belə həll etməyin mümkün olduğuna əmindir. Diplomat xatırladıb ki, dövlət katibi Entoni Blinken dəfələrlə Amerika tərəfin mövqeyini ifadə edib.
“Şübhəsiz, otuz illik münaqişə və gərginlik bir gecədə həll oluna bilməz. Amma bizim üçün mühüm olan fundamental məqamlar var. Biz Dağlıq Qarabağın statusu məsələsinin həll edildiyini hesab etmirik. O, Minsk Qrupunun gündəliyində qalmaqdadır”, deyə Treysi əlavə edib.
Danışıqlar üçün zəmin olub-olmaması haqqında suala cavabda səfir bildirib ki, tərəflərin yerinə danışa bilməz, amma əsirlər qaytarılmadan genişmiqyaslı müzakirələrin mümkün olmadığını bəyan edən Ermənistan hökumətinin mövqeyinə istinad edib.
“Bildiyiniz kimi, ABŞ bu istiqamətdə müəyyən səy göstgərib, Rusiyalı tərəfdaşlarımız da səy göstəriblər və müəyyən uğurlar əldə olunub. Ümid edirik ki, bütün əsirlərin qaytarılacağı mərhələyə çatacağıq”, deyə Treysi bildirib. -0-
-
- Cəmiyyət
- 11 Sentyabr 2021 14:03
-
- İqtisadiyyat
- 11 Sentyabr 2021 14:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz