ABŞ səfiri Nic kəndində Alban kilsəsinə gedib
ABŞ səfiri Riçard Morninqstar Qəbələ rayonunda tanışlıq səfərindədir. Səfirliyin mətbuat xidmətindən Turan-a bildirilib ki, ötən gün səfir rayon İcra Hakimiyyətində olub, sonra ingilis dilinin intensiv öyrənilməsi proqramında iştirak edən məktəblərdən birində olub. Səfir məktəbin şagirdləri ilə tərcüməçisiz danışıb.
Bu gün səfir udinlərin yaşadığı Nic kəndinə gedib, yerli kilsədə olub. Bələdiyyə rəhbəri, udinlərin dini rəhbəri, eyni zamanda bərpa edilmiş Alban kilsəsinin rəhbəri ilə görüşüb. Qonağa udinlərin tarixi və mədəniyyəti barədə məlumat verilib.
Səfər ənənəvi, işgüzar xarakter daşıyır. Məqsəd Azərbaycanın regionları ilə tanışlıqdır. Bu gün səfir Bakıya dönəcək.02V-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz