ABŞ Senatı 907-ci düzəlişin dayandırılması prezidentə qadağan edən qanun layihəsini Nümayəndələr Palatasına göndərib

Cümə axşamı ABŞ Senatı administrasiyanın Azərbaycana dövlət yardımını qadağan edən 1992-ci il tarixli Azadlığı Müdafiə Aktına 907-ci düzəlişi dayandırmaq səlahiyyətini ləğv edən qanun layihəsini baxılmaq üçün Nümayəndələr Palatasına göndərib.

Şərti olaraq "Ermənilərin müdafiəsi haqqında akt 2023-cü il” adlandırılan S.3000 qanun layihəsini Senata sentyabrın 29-da senator Qeri Peters (Miçiqandan demokrat) təqdim edib və noyabrın 15-də qəbul edilib.

Qanun layihəsində deyilir ki, Prezident 2024-2025-ci maliyyə ili üçün keçmiş Sovet İttifaqının müstəqil dövlətlərinə xarici vəsaitin verilməməsini ləgv etmək səlahiyyətindən istifadə edə bilməz.

Hazırda Nümayəndələr Palatasında iki erməniyönlü qanun layihəsi var, onlar sentyabrda təqdim ediliblər: HR5683 (Azərbaycanın təcavüzünə qarşı ermənilərə dəstək haqqında qanun, müəllifi konqresmen Frank Pallone) və HR5686 (Dağlıq Qarabağda etnik təmizləmələrin qarşısının alınması, müəllif Kris Smit).

Qanun layihələrinin heç biri komitədə dinləmədən keçməyib, çünki onların kifayət qədər həmmüəllifi yoxdur.

Bu arada, bu həftə Bayden administrasiyası bildirib ki, "sülh danışıqlarında real yaxşılaşma görənə qədər" 907-ci düzəlişi dayandırmağı planlaşdırmır,  noyabrın 15-də Konqresin Xarici İşlər Komitəsindəki dinləmələr zamanı dövlət katibinin köməkçisi Ceyms O' Brayen bildirib.

Azərbaycan Xarici İşlər Nazirliyinin timsalında rəsmi Bakı bu addımları ikitərəfli münasibətlərə zərbə kimi dəyərləndirib ki, bu da  Ermənistan-Azərbaycan münasibətlərinin nizamlanmasında ABŞ-ın vasitəçi rolunu itirməsinə səbəb ola bilər.