ABŞ Senatının 20 qadın üzvü Leyla Yunus və Xədicə İsmayılovanın azad edilməsinə çağırıb

ABŞ-ın 20 qadın senatoru dünyada qadın siyasi məhbusların, o cümlədən Azərbaycanda Leyla Yunusun və Xədicə     İsmayılovanın azadlığa buraxılmasına nail olunmasına çağıran qətnaməni Senatın Xarici İşlər Komitəsinə təqdim edib.

Qətnamənin təşəbbüsçüsü senator Kelli Ayotdur. Sənəddə ABŞ-ın BMT-dəki səfiri Samanta Pauerin əsassız  yerə həbs edilmiş və mühakimə olunmuş 20 qadın siyasi məhbusun azad edilməsi ilə bağlı çağırış və səyləri tam dəstəkənir.

“Bizim müraciətimiz sadədir – dünya liderləri və xarici hökumətlər qadınları dəstəkləməlidir, onları həbsxanalara atmamalıdır”, - qətnamədə deyilir.

Xatırladaq ki, Leyla Yunus və onun həyat yoldaşı Arif Yunus 2014-cü ilin avqustunda həbs olunublar. 2015-ci ilin avqustunda uydurma ittihamlarla 8,5 və 7 il müddətinə azadlıqdan məhrum ediliblər.

Xədicə İsmayılova 2014-cü ilin dekabrında həbs olunub və 2015-ci il sentyabrın 1-də uydurma ittihamlarla 7,5 il müddətinə azadlıqdan məhrum edilib.-23В-