Vaşinqton/31.08.23/Turan: Çərşənbə günü Ağ Ev bildirib ki, yeni kəşfiyyat məlumatları Rusiya və Şimali Koreya arasında silah danışıqlarının "fəal şəkildə irəlilədiyindən" xəbər verir, Turan-ın Vaşinqton müxbiri bildirib.
Çərşənbə günü Milli Təhlükəsizlik Şurasının üzvü Con Kirbi mətbuat konfransında bildirib ki, bundan öncə KXDR Rusiyaya silah satmayacağını açıq şəkildə bəyan etmişdi. "Ancaq biz KXDR-in Ukraynadakı Rusiya silahlı qüvvələrinə hərbi dəstək verməyə davam etməsindən narahatıq", - o deyib.
Sövdələşmə həyata keçirilərsə, "Birləşmiş Millətlər Təşkilatı Təhlükəsizlik Şurasının bir sıra qətnamələrini birbaşa pozacaq", -Kirbi deyib.
Sövdələşmənin şərtlərinə görə, Rusiya alınan silahlardan Ukraynaya qarşı istifadə edir, o əlavə edib.
ABŞ və müttəfiqləri KXDR-dən Vaqner qrupuna silah göndərən fiziki və hüquqi şəxslərə sanksiyalar tətbiq ediblər.
"Bu vəziyyəti yaxından izləməyə davam edirik",- Kirbi deyib.
Ötən ay Rusiyanın müdafiə naziri Sergey Şoyqu Pxenyana gedib və potensial "yüksək səviyyədə" potensial silah sövdələşmələri üçün "zəmin yaradıb".
“Bu yaxınlarda Putin və Kim Çen In məktub mübadiləsi edərək ikitərəfli əməkdaşlığı genişləndirməyi vəd ediblər",- Kirbi xatırladıb. -0-
Siyasət
-
Keçmiş diplomat Emin İbrahimov 3-cü gündür ki, Şüvəlan İstintaq Təcridxanasında aclıq edir. O, əsassız həbs olunmasına etiraz edir.
-
1-ci qrup əlil, həbsdə saxlanılan ictimai fəal Famil Xəlilovun cinayət işi üzrə ibtidai istintaq başa çatıb. Bu gün, iyulun 26-da müstəntiq istintaq təcridxanasına gedib ibtidai istintaqın başa çatdığını elan edəcək və müdafiə tərəfi cinayət işinin materilaları ilə tanış olmağa başlayacaq. Bu barədə vəkil Fəxrəddin Mehdiyev bildirib.
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
Rəy yaz