Açiq mənbələrdən foto.
Vaşinqton/05.04.23/ Turan: Çərşənbə axşamı Bayden administrasiyası bahar hücumuna hazırlaşan Ukraynaya 2,6 milyard dollarlıq əlavə hərbi yardımı elan edib.
500 milyon dollarlıq silah və texnikanın daxil olduğu yeni paketdə “Patriot” hava hücumundan müdafiə sistemləri, HIMARS üçün raketlər, TOW raketləri, qumbaraatanlar, yanacaq tankerləri və avtomobillər, həmçinin digər döyüş sursatları, artilleriya və minaatan mərmilər var.
Çərşənbə axşamı Pentaqonun nümayədəsi bildirib ki, tezliklə ABŞ ukraynalı hərbçilərə M1A1 Abrams tanklarını idarə etməyi öyrədəcək. Sonuncu yardım paketinə bu tanklar üçün 120 millimetrlik mərmilər də daxildir.
"Bu yardım Ukraynaya Rusiyanın təcavüzündən müdafiəni cəsarətlə davam etdirməyə imkan verəcək", - dövlət katibi Entoni Blinkenin bəyanatında deyilir.
"Müharibəni ancaq Rusiya bitirə bilər. Nə qədər ki onlar bunu etmirlər, ABŞ, bizim müttəfiqlərimiz və tərəfdaşlarımız lazım olduğu qədər Ukrayna ilə bir olacaqlar", - Blinken deyib. 0
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz