Vaşinqton/20.08.22/Turan: Cümə günü Bayden administrasiyası Rusiya ilə müharibədə Ukraynaya kömək etmək üçün əlavə olaraq 775 milyon dollarlıq raket, pilotsuz uçan aparatlar, nəqliyyat vasitələri və minatəmizləmə avadanlıqlarının veriləcəyini baçıqlayıb, Turan-ın Vaşinqton müxbiri bildirib.
Hərbi ekspertlərin fikrincə, yeni paket Vaşinqton və Kiyevin yaxın həftələrdə ağır döyüşlər gözlədiyini göstərir.
Sonuncu paketə 16 105 millimetrlik haubitsa, həmçinin 36 000 mərmi, Rusiya radarlarını məhv etmək üçün yüksək sürətli HARM raketləri, yüksək mobil artilleriya üçün döyüş sursatları, həmçinin zirehli texnika və digər silahlar daxildir.
Bundan əlavə, ABŞ ilk dəfə olaraq ukraynalılara yüksək dəqiqliklə idarə olunan artilleriya və raket zərbələrini aşkarlamaq və korrektə etmək üçün 15 ədəd ScanEagle pilotsuz kəşfiyyat təyyarəsi göndərir. Yeni kiçik pilotsuz təyyarələr ukraynalıların cənubda gözlənilən əks-hücumuna kömək edəcək.
Pentaqon hesab edir ki, müharibənin başlamasından təxminən 6 ay sonra hər iki tərəf münaqişənin gedişini dəyişmək üçün kifayət qədər quru qoşunları və silah toplaya bilmir.
"Elə indi deyərdim ki, siz döyüş meydanında ruslarda tamamən irəliləyişin olmadığını görürsünüz",- Pentaqon rəsmisi deyib və qeyd edib ki, Ukrayna qüvvələri Javelins və HIMARS-dan çox səmərəli istifadə edirlər.
Əlavə yardım Ukrayna qüvvələrinə üstünlük əldə etməyə kömək edə bilər. Ən son yardım tranşının fərqləndirici tərəfi 60 kilometr məsafədə hava hücumundan müdafiə sistemlərini aşkar edib məhv edə bilən HARM raketləridir. Son həftələrdə bu raketlər Rusiyanın ən təhlükəli sistemlərindən bir neçəsini məhv edib.
İlk dəfə göndərilən avadanlığa həmçinin ilkin olaraq İraqdakı Amerikalı qoşunlar üçün hazırlanmış 40 ədəd MaxxPro ağır zirehli mina əleyhinə maşın da daxildir. Ukraynada onlar quru qoşunları ruslar tərəfindən minalarla döşənmiş sahələrdən keçməzdən öncə yolları və sahələri təmizləyəcəklər.
Bundan əlavə, paketə 1000 Javelin sistemi; minatəmizləmə avadanlıqları; 1500 optik idarə olunan raket; 2000 tank əleyhinə mərmi; 50 Hummers; taktiki təhlükəsiz rabitə sistemləri; gecə görmə cihazları; termal görüntüləmə sistemləri; optika və lazer məsafəölçənləri daxildir.
“Bu, hələ son deyil. Biz ukraynalılara onlara lazım olan hər şeyi və vaxtında göndərdiyimizə əmin olmaq üçün ukraynalılarla məsləhətləşmələrimizi davam etdirəcəyik”, - Pentaqonun nümayəndəsi deyib. -0-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz