![Açiq mənbələrdən foto.](https://turan.az/resized/media/2023/main/102700068577-750-500-resize.webp)
Açiq mənbələrdən foto.
ABŞ Ukraynaya təhlükəsizlik sahəsində 150 milyon dollarlıq əlavə yardım ayırır
Vaşinqton/27.10.23/Turan: Cümə axşamı Bayden Administrasiyası Ukraynaya təhlükəsizlik sahəsində 150 milyon dollarlıq əlavə yardım ayrıldığını bildirib, xəbəri Turan-ın Vaşinqtondakı müxbiri verib.
Sonuncu paketə silah və texnika daxildir, deyə dövlət katibi Entoni Blinken öz bəyanatında bildirib.
"Ukrayna silahlı qüvvələri Rusiya qoşunları tərəfindən ələ keçirilmiş əraziləri qaytarmaq üçün cəsarətlə döyüşürlər və bu əlavə dəstək onların uğur əldə etməkdə davam etməsinə kömək edəcək", deyə Blinken qeyd edib.
Öz növbəsində, Pentaqondan bildiriblər ki, yardıma zenit-raket kompleksləri üçün əlavə döyüş sursatları, "Stinger" zenit raketləri, HIMARS üçün əlavə döyüş sursatları, habelə Javelin tank əleyhinə sistemlər, 2 milyondan çox atıcı silah mərmisi və qış üçün təchizat daxildir.
"Rusiya bu müharibəyə başlayıb və istənilən vaxt öz qoşunlarını Ukraynadan çıxarmaqla və günahsız insanların həyatına son qoymağa davam edən amansız hücumları dayandırmaqla onu bitirə bilər. 50 ölkə Ukraynanı dəstəkləməyə davam edəcək və biz Ukraynaya ölkənin gələcəyini - ölkə xalqının möhkəm və mütərəqqi demokratiya şəraitində təhlükəsiz yaşadığı bir gələcəyi təmin etməyə kömək etmək üçün işi davam etdirəcəyik", deyə Blinken bildirib. 0
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz