Açiq mənbələrdən foto.
Vaşinqton/27.10.23/Turan: Rusiya HƏMAS-la mübarizədə hər hansı səmərəli rol oynamır, bu barədə cümə axşamı Dövlət Departamentinin nümayəndəsi Metyu Miller bildirib.
"Biz təkcə Təhlükəsizlik Şurasında səs çoxluğu ilə əldə etdiyimiz qətnaməyə dünən BMT-də Rusiya və əlbəttə ki, Çinin veto qoyduğunu görmüşük", deyə Miller brifinqdə Turan-ın Moskvanın Yaxın Şərq böhranında rolu haqqında sualına cavabda bildirib.
"Biz regionda sakitliyi qoruyub saxlamağa çalışırıq və təkcə region liderləri ilə danışıqlar aparmırıq. Belə ki, dövlət katibi Van İ (Çinin XİN başçısı) ilə söhbət etmişik və biz Rusiyanın ümumiyyətlə heç bir səmərəli rol oynamadığını görürük", deyə o, sözünə davam edib.
Turan-ın Rusiyanın Moskvada HƏMAS döyüşçülərinin nümayəndə heyətini qəbul etməsi ilə bağlı sualına cavabda Miller belə deyib: "Təəccübləndiyimi demək istəyərdim, lakin bu, belə deyil".
HƏMAS nümayəndə heyətinin Moskvaya səfəri ilə bağlı Ağ Evdə də sual verilib. "İndi HƏMAS-ı dəstəkləməyin vaxtı deyil", deyə Milli Təhlükəsizlik Şurasının üzvü Con Kirbi jurnalistlərə bildirib. "Görək, [Moskvadakı] söhbətdən nə çıxacaq". 0
Siyasət
-
Dekabrın 29-da “Kanal 13” İnternet Televiziyasının həbsdə olan əməkdaşı Şamo Eminov istintaq orqanı tərfəindən sərbəst buraxılıb.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
29 dekabr tarixində Heydər Əliyev Beynəlxalq Hava Limanında, 25 dekabr faciəsində həyatını itirmiş Azərbaycan Hava Yollarına məxsus Embraer 190 sərnişin təyyarəsinin heyət üzvləri ilə vida mərasimi keçirilir. Faciənin qurbanlarına ehtiram göstərmək üçün ailələr, rəsmilər və ictimaiyyət nümayəndələri bir araya gəlib.
-
Rusiya İstintaq Komitəsinin sədri Aleksandr Bastrıkin AZAL-a məxsus təyyarənin qəzasını araşdırmaq üçün Qroznıya gəlib.
Rəy yaz