![Açiq mənbələrdən foto.](https://turan.az/resized/750/500/resize/media/2022/main/090900050655.webp)
Açiq mənbələrdən foto.
ABŞ Ukraynaya yardımı ikiqat artırır
Vaşinqton/09.09.22/Turan: Putinin Ukraynaya qarşı müharibəsi davam etdikcə, ABŞ Kiyevə yardımı ikiqat artırır və bu, Rusiyanın cəbhədə hərbi təchizatını çətinləşdirir.
Cümə axşamı Bayden administrasiyası Rusiyaya pilotsuz təyyarələrin göndərilməsinə görə İranın bir neçə şirkətinə qarşı yeni sanksiyalar tətbiq edib.
Moskva avqustun sonunda İranın pilotsuz təyyarələrinin ilk partiyasını alıb və bu həftənin əvvəlində Şimali Koreyadan da artilleriya mərmiləri və raketlər almağa başlayıb.
Cümə axşamı ABŞ Maliyyə Nazirliyi İranın Safiran Airport Services hava daşıyıcısına, həmçinin pilotsuz təyyarələrin istehsalı ilə məşğul olan daha üç firma və bir fiziki şəxsə qarşı sanksiyalar tətbiq edib.
“ABŞ Rusiya və İrana qarşı sərt sanksiyalar tətbiq edir, Ukraynaya qarşı müharibəni dəstəkləyənləri məsuliyyətə cəlb edir”, - ABŞ Maliyyə Nazirliyinin bəyanatında deyilir.
Xəbər verildiyi kimi, ABŞ Ukraynaya və Rusiyadan hücum təhlükəsi gözlənilən yaxın 18 ölkəyə daha 2 milyard dollar hərbi yardım göndərmək niyyətindədir.
Cümə axşamı Pentaqon Ukraynaya 675 milyon dollar məbləğində daha bir silah tədarükünü elan edib. Siyahıya aşağıdakı silahlar daxildir:
-dörd 105 millimetrlik haubitsa və 36 000 artilleriya mərmisi;
- HIMARS raket sistemləri üçün döyüş sursatı;
- HARM yüksək sürətli antiradar raketləri;
- 100 Humve zirehli texnikası;
- 50 zirehli təcili yardım maşını;
- tank əleyhinə sistemlər;
- atıcı silah. 25B
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz