![Army Gen. Daniel Hokanson](https://turan.az/resized/media/2022/main/090900050652-750-500-resize.webp)
Army Gen. Daniel Hokanson
Amerikalı general Rusiyanın qonşularına müdafiə olunmalarına kömək edəcəyini vəd edir
Vaşinqton/09.09.22/Turan: Ukraynada amansız müharibə şəraitində region ölkələrinin bir çox ölkəsi öz milli müdafiəsini möhkəmləndirməyə çalışır və bəziləri yardım üçün ABŞ-a müraciət edirlər. Milli Qvardiyaya cavabdeh olan yüksək rütbəli amerikalı general bu yaxınlarda bu ölkələrin bəzisinə səfər edib.
ABŞ Gürcüstan, Moldova və Azərbaycan kimi ölkələrin Rusiyanın potensial təhlükəsindən müdafiə olunmasına yardım edə bilərmi? Cümə axşamı brifinqdə Turan-ın müxbirinin bu sualını cavablandıran ordu generalı Daniel Hokanson deyib: “Biz regiondakı müttəfiqlərimizi və tərəfdaşlarımızı əmin etmək istəyirik ki, onların yanındayıq, NATO qətiyyətli olaraq qalacaq və NATO ərazisinin hər qarışını müdafiə edəcək. Biz onların öz ölkələrini qoruya bilməsi üçün digər müttəfiqlərimiz və tərəfdaşlarımızla birlikdə mümkün olan hər şeyi edirik”.
Ukraynaya qarşı hücuma toxunan general qeyd edib ki, hazırda Rusiya "İkinci Dünya Müharibəsindən bəri gördüyümüz ən böyük hərbi əməliyyat həyata keçirir".
"İlk dəfə olaraq bu ölkə bir ölkənin sərhədlərini dəyişməyə cəhd edir, onlara öz iradəsini zorla qəbul etdirir, digər ölkənin ərazi bütövlüyünü və suverenliyini pozur",- o əlavə edib.
General Hokansonun fikrini ABŞ müdafiə nazirinin müavini Colin Kal da dəstəkləyib. Çərşənbə günü o, Çini "Rusiyanın Ukraynadakı uğursuzluqlarından nəticə çıxarmağa" çağırıb.
“Düşünmürəm ki, Çin özünü Rusiyanın bugünkü vəziyyətinə salmaq istəyir”, - o, Pentaqonda müzakirələr zamanı deyib.
“Rusiyaya gəlincə, bu, 7-8 ay əvvəl düşündüyümüz kimi, döyüş qabiliyyətli hərbi güc deyil, ancaq o, çox təhlükəli gücdür və Rusiya beynəlxalq arenada getdikcə daha təhlükəli olur”, - o deyib. 0
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz