ABŞ və Avropa İttifaqı beş erməni hərbçinin azad edilməsini alqışlayır

 Bakı/09.09.22/Turan: ABŞ Azərbaycanın 5 hərbi qulluqçunu azad etməsini, bu barədə ABŞ Dövlət Departamentinin rəsmi nümayəndəsi Ned Prays bildirib.

“Biz saxlanılan şəxslərin evlərinə qayıtması barədə məlumatları alqışlayırıq ki, bu da Ermənistanla Azərbaycan arasında sülh prosesi üçün müsbət haldır.

“Ümid edirik ki, digər saxlanılanlar da evlərinə qayıdacaqlar, Azərbaycan və Ermənistan isə inamın möhkəmləndirilməsi və qalan fikir ayrılıqlarının aradan qaldırılması istiqamətində addımlarını davam etdirəcək", -  Prays Tvitter səhifəsində yazıb.

Avropa İttifaqı Şurasının sədri Şarl Mişel də beş erməni hərbçinin azad edilməsindən məmnunluğunu ifadə edib.

"Avqustun 31-də Brüsseldə müzakirələrdən sonra Bakının daha beş erməni məhbusu azad etməsini alqışlayırıq.

Şəxslərin təhvil verilməsi ilk dəfə ikitərəfli əsasda baş verir və bu, hər iki tərəfin xidmətidir", - Mişel Tvitter hesabında yazıb.

Avropa İttifaqının Cənubi Qafqaz üzrə xüsusi nümayəndəsi Toyvo Klaar da ermənilərin azad edilməsini alqışlayıb.

"Avqustun 31-də Brüsseldə liderlərin görüşündən sonra Azərbaycanın beş erməni məhbusu azad etməsinə dair xəbərləri alqışlayırıq. Vasitəçi olmadan keçirilən mühüm humanitar jestdir", - Klaar Tvitter –də yazıb. 16D