![ABŞ vətəndaş cəmiyyətinin sıxışdırılması ilə bağlı Bakının açıqlamalarını qəbul etmir](https://turan.az/resized/750/500/resize/media/2014/main/051800078951.jpg)
ABŞ vətəndaş cəmiyyətinin sıxışdırılması ilə bağlı Bakının açıqlamalarını qəbul etmir
Rəsmi Vaşinqton yenidən Azərbaycan hökumətini Avropa Şurası Nazirlər Kabinetində sədrliyi nəzərə almaqla insan hüquqları sahəsində beynəlxalq öhdəliklərinə əməl etməyə çağırıb. Bu barədə ABŞ-ın bu qurumdakı nümayəndəsi Kristofer Robinson bildirib.
“Biz ötən həftə vətəndaş fəallarının həbsi, təqib və barələrində çıxarılan hökmlərlə bağlı Avropa İttifaqının narahatlığına dair Azərbaycanın açıqlamasını eşitdik və Bakının açıqlaması ilə bağlı öz narahatlığımızı bildirməliyik. Biz Azərbaycanda vətəndaş cəmiyyətinə və jurnalistlərə təzyiqlərin davam etdiyini görürük”, - Robinsonun bəyanatında deyilir.
O həmçinin ATƏT-in mətbuat azadlığı üzrə xüsusi nümayəndəsi Dunya Miyatoviçin bəyanatına istinad edib. O qeyd edib ki, Azərbaycanda jurnalistlərin təqib olunması ölkədə KİV azadlığının vəziyyətini pisləşdirməkdə davam edir.
Vaşinqton Ermənistanın xeyrinə casusluqda ittiham olunan Rauf Mirqədirovun həbsindən dərin narahatlığını bildirib.
“Biz həmçinin aprelin 28-də Sülh və Demokratiya İnstitutunun rəhbəri Leyla Yunusa və onun həyat yoldaşı Arif Yunusa qarşı başlanmış istintaqdan çox narahatıq. Onlar dialoqun (ermənilərlə) qurulması ilə bağlı fəaliyyətdə (Rauf Mirqədirovun da iştirak etdiyi) ittiham olunurlar.
Onlar Qarabağ münaqişəsinin dinc yolla nizamlanması məqsədilə dialoqu aktiv dəstəkləyiblər.
ABŞ hər iki tərəfi dialoqun qurulması və ermənilərlə azərbaycanlılar arasında inam tədbirlərinin yaradılması üzrə səyləri dəstəkləməyə çağırır.
Nəhayət, ABŞ mayın 6-da NİDA fəallarına qarşı məhkəmə hökmündən “dərin narahatdır”. Gənclərin uzun müddətə azadlıqdan məhrum edilməsi siyasi motivli hesab olunur, onlara qarşı ittihamlar məhkəmə aktları ilə təsdiqlənməyib”, - bəyanatda vurğulanır.-25D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz