![ABŞ xaricdə insan hüquqlarının pozulmasına görə “Sandvine” şirkətini “qara siyahı”ya daxil edib](https://turan.az/resized/news/2024/SMD2H83sOZ2Kgt1j2DmLECPh7KzusBmrVVIEuAMx-750-500-resize.webp)
ABŞ xaricdə insan hüquqlarının pozulmasına görə “Sandvine” şirkətini “qara siyahı”ya daxil edib
ABŞ xaricdə insan hüquqlarının pozulmasına görə “Sandvine” şirkətini “qara siyahı”ya daxil edib
Çərşənbə günü ABŞ bildirib ki, Kanadanın “Sandvine” şəbəkə kəşfiyyat firmasını təşkilatların “qara siyahı”sına əlavə edib və Amerika firmaları ilə biznes qurmağı ona qadağan edib.
Ontarioda yerləşən şirkət uzun müddətdir ki, öz veb-monitorinq texnologiyasını avtoritar rejimlərə, o cümlədən Azərbaycana satmaqda ittiham olunur.
"Sandvine” bütün dünyada- Azərbaycan, İordaniya, Rusiya, Türkiyə, Birləşmiş Ərəb Əmirlikləri və digər ölkələrdə insan hüquqlarının repressiv hökumətlər tərəfindən pozulmasında iştirak edib".
Torontoda yerləşən və bütün dünyada elektron rabitəni izləyən Access Now monitorinq təşkilatının məlumatına görə, “Sandvine” Belarusda "2020-ci il etirazlarının yatırılması zamanı Aleksandr Lukaşenko rejimi tərəfindən internetin kəsilməsində birbaşa rol oynayıb".
Dövlət Departamentinin bəyanatında deyilir ki, “Sandvine” "xəbərlərin bloklanması, həmçinin siyasi xadimlərin və hüquq müdafiəçilərinin təqib edilməsi, hakimiyyətin tənqidçilərinin və dissidentlərin elektron cihazlarına casus proqramlarının quraşdırılması üçün kütləvi veb- monitorinq və senzurada istifadə olunan yoxlama paketləri alətləri tədarük edir".
“Sandvine” şirkətinin hazırkı və keçmiş əməkdaşlarının məlumatlarına görə, şirkətin avadanlığından ondan çox ölkədə internetdə senzura üçün istifadə edilib: Azərbaycan, Əlcəzair, Əfqanıstan, Misir, Eritreya, İordaniya, Küveyt, Pakistan, Qətər, Rusiya, Sudan, Tayland, Türkiyə, Özbəkistan və digərləri.
Vaşinqtonun texnoloji şirkətə qarşı sanksiyaları hökumətlərə qarşı həyata keçirilə biləcək tədbirlərdən xəbər verirmi? Dövlət Departamentinin nümayəndəsi Metyu Miller Turan-ın bu sualına konkret cavabdan yayınıb. "Mənin hər hansı başqa şərhlərim yoxdur", - o deyib.
Dövlət Departamentinin bəyanatına görə, son hərəkətlər "ABŞ-ın insan hüquqlarının pozulmasına, jurnalistlərin və fəalların təqib olunmasına xidmət edən casus texnologiyalarından qanunsuz istifadəyə görə onların istehsalçılarının məsuliyyətə cəlb olunmasına kömək edəcəyinə dair inandırıcı siqnal göndərir".
-
- İqtisadiyyat
- 29 Fevral 2024 10:46
-
- Siyasət
- 29 Fevral 2024 10:58
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz