ABŞ yenidən Rusiyanı jurnallstlər Evan Qerşkoviç və Alsu Kurmaşevanı azad etməyə çağırır

ABŞ növbəti dəfə Rusiyanı qanunsuz olaraq saxlanılmış amerikalı jurnalist Evan Qerşkoviçi, həmçinin eyni zamanda həm ABŞ, həm də Rusiya vətəndaşı olan "Azadlıq" radiostansiyasının reportyoru Alsu Kurmaşevanı azad etməyə çağırıb.

Bir ildən çoxdur "MKİ-nin xeyrinə casusluq" ittihamı ilə həbsdə olan Qerşkoviç iyunun 26-da məhkəmə qarşısına çıxarılacaq, təhqiqat qapalı qapılar arxasında keçiriləcək.

ABŞ dəfələrlə ona qarşı irəli sürülmüş casusluq ittihamını təkzib edib və onun həbsini "siyasi motivli həbs" adlandırıb.

8 aydır həbsdə olan Kurmaşevanı Rusiya ordusu haqqında "yalan məlumat" yaymaq ittihamı ilə 10 ilədək azadlıqdan məhrumetmə cəzası gözləyir.

"Prezident Bayden deyib ki, ABŞ jurnalistlərin azad olunmasına nail olmağa çalışacaq", bu barədə Dövlət Departamentinin nümayəndəsi Metyu Miller bildirib. Onun sözlərinə görə, jurnalistlərin həbsi "beynəlxalq normaların ciddi pozuntusu idi".