Ağ Ev Konqresdən Ukrayna, İsrail və Hind-Sakit okean regionuna dəstək üçün 100 milyard dollar istəyir

Vaşinqton/20.10.23/Turan: TURANın Vaşinqtondakı müxbiri xəbər verir ki, cümə günü Ağ Ev Konqresə İsrail və Ukrayna dəstək üçün 100 milyard dollar istəyib.

Təxminən 61 milyard dollar Ukraynaya yönəlib. Bayden administrasiyası həmçinin İsrailin müdafiəsini gücləndirmək üçün 14 milyard dollar, humanitar yardım üçün 10 milyard dollar və Hind-Sakit okean regionunda təhlükəsizlik yardımı üçün 2 milyard dollar istəyir. Daha 14 milyard dollar ABŞ-Meksika sərhədindəki əməliyyatlar üçün nəzərdə tutulub.

Ukrayna üçün nəzərdə tutulan 61,4 milyard dollara artıq göndərilmiş avadanlıq və ona əlavələr daxildir. Administrasiya həmçinin Pentaqondan Ukraynaya “davamlı hərbi, kəşfiyyat və digər müdafiə dəstəyi” təmin etmək üçün 14,4 milyard dollar istəyir. Sorğuda həmçinin Milli Nüvə Təhlükəsizliyi İdarəsi üçün 149 milyon dollar da var.
Sorğuya iqtisadi yardım üçün 16,3 milyard dollar, həmçinin ABŞ-da yaşayan və ya gələn ukraynalı qaçqınlar üçün 481 milyon dollar da daxildir.-0-