Ağ Ev: NATO Slovakiya, Rumıniya, Bolqarıstan və Macarıstanda hərbi bölmələr yerləşdirəcək

Vaşinqton/25.03.22/Turan: Cümə axşamı NATO liderləri Şərqi Avropada müdafiəni möhkəmləndirmək barədə razılığa gəliblər və Slovakiya, Rumıniya, Bolqarıstan və Macarıstanda dörd yeni hərbi  bölməs yerləşdirəcəklər, Ağ Evin bəyanatında bildirilir.

"Biz Rusiya təcavüzünə qarşı mübarizədə artan yardımla prezident Zelenskini və onun hökumətini dəstəkləməkdə davam edəcəyik",-Bayden Brüsseldə çıxışında bildirib.

Son bir neçə həftə ərzində ABŞ Ukraynaya zenit sistemləri, tank əleyhinə silahlar, pilotsuz təyyarələr və hərbi sursatların göndərildiyini elan edib.

"Mən Ukraynanın dəstəklənməsi üzrə  digər müttəfiqlərin atdığı addımları alqışlayıram, biz birlikdə Ukraynaya hava hücumundan müdafiə sistemləri və digər silahları verməkdə əzmliyik", -Bayden deyib.

Liderlər NATO-nun, xüsusilə də şərq cinahında kollektiv müdafiəsinin gücləndirilməsi istiqamətində apardığımız işləri də müzakirə ediblər.

Rusiyanın Ukraynaya hücumundan dərhal sonra biz NATO-nun müdafiə planlarını aktivləşdirdik. ABŞ Avropaya minlərlə qüvvə və əlavə vasitə çıxardı.

NATO-nun iyun sammitinə qədər NATO-nun müdafiəsinin möhkəmləndirilməsi üçün əlavə qüvvə və vasitələrlə bağlı planlar hazırlayacağıq. Biz NATO-nun yeni və daha təhlükəli şəraitdə istənilən çağırışlara qarşı durmağa hazır olmasını təmin etmək üçün yenilənmiş strateji konsepsiyanı qəbul edəcəyik", - Bayden vurğulayıb. -25B