A.Hacılı: Müsavat Partiyası hələ çox uğurlu səfərlərə imza atacaq

Müsavat Partiyasının başqanı Arif Hacılı çərşənbə axşamı Brüssel səfərinin nəticələrinə dair  mətbuat konfransı keçirib.

A.Hacılı çoxsaylı görüşlərdə iştirak etdiyini, Avropa Birliyi təmsilçiləri, Şərq Tərəfdaşlığı ölkələrinin təmsilçilərilə görüşdüyünü nəzərə çatdırıb. Bundan əlavə, Avropa Liberal İttifaqı təmsilçilərilə görüşlər keçirdiyini xatırladıb. Şərq Tərəfdaşlığı ölkələrinin təmsilçilərilə maraqlı görüşlər olduğunu deyən A.Hacılı Qarabağ məsələsilə bağlı müzakirələrdə çıxış etdiyini vurğulayıb. Belə ki, A.Hacılı Avropa Birliyinin bəzi ölkələrinin Qarabağ məsələsinə münasibətinin Krıma, Luqanska, Dnepropetrovska olan münasibəti kimi birmənalı olmadığını nəzərə çatdırıb. Üstəlik, A.Hacılı Ermənistanın birmənalı olaraq Rusiyanı dəstəkləməsinə baxmadan Avropa Birliyinin Ermənsitana mənəvi dəstək verilməsinin başadüşülən olmadığını nəzərə çatdırıb. Ermənistan Ümummilli Hərəkatının (EÜH) yalnız erməni maraqlarını müdafiə etməsi və Avrasiya İttifaqına üzv olduğu vurğulanıb. A.Hacılı Ermənistanla Qərb arasındakı narazılıqdan istifadə edərək Dağlıq Qarabağ ətrafındakı rayonları azad etməyin vaxtı çatdığını bildirib. Onun sözlərinə görə, Rusiya, Gürcüstan və  Moldovada əməkdaşlıq üçün partiyalar tapmaq olar və bu, mümkündür. Bu mənada A.Hacılı Rusiyadakı “Yabloko”, Parnas, Moldovanın Liberal Demokrat partiyaları arasında əməkdşalığın perspektivlərindən bəhs edib.

A.Hacılı səfərin bütünlükdə uğurlu keçdiyini deyərək, Müsavat Partiyası yeni rəhbərliyinin təqdimatı baxımından nəticəli olacağını söyləyib.

Xatırladaq ki, Müsavat Partiyası baqşanı A.Hacılı iyunun 15-dən Avropada səfərdə idi. -05C-