“Türkiyə qonşu ölkələrin və dünyada bütün ölkələrin daxili işlərinə həmişə hörmətlə yanaşıb. Misir bizim üçün çox önəmli, əziz və dost qonşu ölkədir”. Bu barədə Türkiyə xarici işlər naziri Ahmet Davutoğlu bu gün Bakıya səfəri zamanı Azərbaycan xarici işlər naziri ilə keçirdiyi mətbuat konfransında jurnalistlərin suallarına cavabda deyib.
Nazir bildirib ki, Misirdəki hər bir inkişaf bölgədəki inkişafa təsir edən hərəkətdir, Misirdəki müsbət dəyişikliklər keçmişdə olduğu kimi bölgədə təhlükəsizliyə böyük töhfələr verir.
“Amma Misirdə ortaya çıxacaq gərginliklər, sıxıntılar isə bütün bölgəyə sirayət edə bilir. Bu mənada Türkiyə hər zaman Misirdə bütün kəsimlərə açıq bir şəkildə və Misir xalqına tam inamlı bir siyasət aparıb. Keçmişdə də, 25 yanvar Təhrir dövründən sonra da bu siyasəti açıq şəkildə aparmışıq”, deyə o qeyd edib.
Onun fikrincə, Türkiyənin ziddinə gedən qüvvələr Misir xalqına Türkiyənin siyasətinin əksini təbliğ edir. “Çünki Misir xalqı prezident və parlament seçib. Ancaq öncə parlament, sonra isə prezidentin səlahiyyətlərinə son verildi. Bunlar haqlı olaraq Türkiyədə və bir çox ölkələrdə qayğı yaradır. Qayğıların dilə gətirilməsi, xalqdan gücünü alan bir dövrün dilə gətirilməsi daxili işə qarışmaq kimi başa düşülməməlidir. Əksinə, bu zaman Misirin seçilmiş prezidentinin devrilməsini dilə gətirənlər də Misirin daxili işlərinə qarışmalı olurlar. Əgər onlar bunu dilə gətirərkən daxili işlərə qarışmırlarsa, Türkiyənin də xalq tərəfindən seçilmiş prezident və digər qurumların xalqın iradəsi ilə demokratiyaya və oradakı quruluşun stabilliyə qədəm qoymasını dəstəkləməsi daxili işlərə qarışmaq hesab edilməməlidir”, deyə nazir bildirib.
Davutoğlu həmçinin deyib ki, Misirin hansı siyasi baxışa sahib olmasından asılı olmayaraq, Misirin hər kəsimini qardaş və dost bilirlər. “Önəmli olan isə Misirin bir an öncə sabitliyə qovuşmasıdır. Buna isə hər an bölgəmizin ehtiyacı var. Bunun olması üçün də Misir xalqının iradəsinə hər kəs hörmət etməlidir”, deyə nazir xatırladıb. -03C-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz