Son aylar Azərbaycanda onlarla digər müxalifət fəalının həbsindən sonra iyulun 15-də üç azərbaycanlı gənc fəalın 15 gün inzibati həbs cəzasına məhkum edilməsi siyasi motivlidir. ARTİCLE 19 hüquq müdafiə təşkilatı fəalların davam etməkdə olan təqiblərini pisləyir, deyə təşkilatın bəyanatında bildirilir.
“Fəalların ifadə azadlığını - əsas hüquqlarından birini həyata keçirdiklərinə görə həbsi seçkilər ərəfəsində insan hüquqlarına hörmət olmadığını göstərir”, deyə ARTİCLE 19-un icraçı direktoru Anyes Kalamar bildirib.
“Cəmiyyətin sağlam siyasi müzakirədə iştiraka ehtiyacı var. Bu həbslərin təkcə ifadə azadlığı deyil, həm də bütünlükdə demokratik inkişaf üçün mənfi təsiri var”, deyə o əlavə edib.
Gənclər təşkilatlarının üzvləri Ülvi Həsənli, Məcid Mərcanlı və Kənan Qasımlı iyulun 14-də Bakıda həbs edilib. Növbəti gün hər üçü polisə müqavimət ittihamı ilə 15 gün müddətinə həbs edilib.
Lakin əsl səbəb Bakı metropoliteninin divarlarına NİDA loqosu ilə “Hökumətdən qorxmayın. Hökumətə etiraz edin və hökuməti dəyişdirin” sözləri yazılan vərəqələrin yapışdırılması olub.
Daha bir fəal – Emil Bağırov iyulun 14-də günün ikinci yarısında saxlanılıb, amma sonradan sərbəst buraxılıb.
Daha üç fəal şəhərin mərkəzində savadlılıq səviyyəsinin artırılması məqsədilə aksiya keçirərkən bir neçə saatlığına saxlanılıb.
ARTİCLE 19 hesab edir ki, hakimiyyətin son sərt davranışları oktyabrda keçiriləcək prezident seçkiləri ilə bağlıdır. Son aylar onlarla gənc fəalın müxtəlif səbəblərlə həbsi də məhz bununla bağlıdır.
Çox vaxt hakimiyyət xoşagəlməz blogerləri və jurnalistləri, habelə müxalifət fəallarını narkotik saxlamaqda və xuliqanlıqda ittiham edir.
Bir qayda olaraq, bu insanlar hökumətdə və digər dövlət orqanlarında korrupsiyanı fəal şəkildə ifşa edir.
Prezident seçkiləri yaxınlaşdıqca hakimiyyət fərqli düşünənlərin və müxalifətin təqibini gücləndirir. Nəticədə bir çox müxalifət fəalları və Azərbaycan gəncləri öz fikrinə və mövqeyinə malik olmaq hüququ uğrunda mübarizə ilə qarşılaşır. -02D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz