Avropa Komissiyası Avropaya qaz nəqli probleminin həllindən ötrü Azərbaycan və Trükmənistanla sazişlərin bağlanmasını sürətləndirməyə hazırdır. Bu barədə Spiegel Online Aİ Energetika Birliyi üçün hazırlanmış iki sənədə isnadla bildirib. Məhz bu qurum gələcəkdə enerji məsələlərində əməkdaşlığı tənzimləyəcək. Lakin Spiegel bu siyasi qərarı “şübhəli” adlandırır.
Sənədlərə görə, artıq cari ildə Aİ Bakı və Aşqabad ilə qarşılıqlı anlaşma haqqında memorandum imzalamaq niyyətindədir. Bu, Avropanın təbii qazla təmin olunmasının “davamlılığının” artırılması üzrə paketin bir hissəsi olacaq. Aİ bu paketi 2016-cı ilədək tamamlamaq istəyir.
“Aİ istehsalçı və tranzit ölkələrlə strateji tərəfdaşlığı möhkəmləndirmək üçün bütün xarici siyasi alətlərdən istifadə edəcək”, - Spiegel Online sənədlərdən sitat gətirir. Bu ölkələrin sırasına Əlcəzair, Türkiyə, Azərbaycan, Türkmənistan, Yaxın Şərq və bir neçə Afrika ölkəsi daxildir. Həmçinin layihə Norveç, ABŞ və Kanada ilə tərəfdaşlığın genişləndirilməsini nəzərdə tutur.
Nəşr qeyd edir ki, sözügedən tərəfdaşlardan bəzisi çox şübhəli görünür. Türkmənistan az qala dünyada ən iri qaz ehtiyatlarına malikdir, lakin eyni zamanda Aşqabadda diktator rejimi hökm sürür, beynəlxalq Transparency International təşkilatının reytinqinə görə, ölkə dünyada ən çox korrupsiyaya uğrayan ölkələr onluğuna daxildir. Azərbaycan mətbuat azadlığı reytinqində 180 ölkə arasında 162-ci yeri tutur.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz