Aİ Azərbaycanda kənd təsərrüfatı məhsulları istehsalçılarının dəstəklənməsi üzrə layihə həyata keçirir

Bakı/05.04.19/Turan: Avropa İttifaqının Bakı nümayəndəliyinin dəstəyilə Slow Food təşkilatı (İtaliya) Heyvanların Mühafizəsi İctimai Birliyi və Azərbaycan Kənd Bələdiyyələri Assosiasiyasının tərəfdaşlığı ilə Böyük Qafqaz regionunda kiçik fermerlərə dəstək layihəsini həyata keçirir.

Layihə yerli hakimiyyət, vətəndaş cəmiyyəti qrupları və digər əlaqədar tərəfləri əhatə edir. Layihə çərçivəsində məişət və qastronomiya, həmçinin biomüxtəlifliyin saxlanması və mədəni irsin qorunması sahələrində Aİ təcrübəsindən istifadə olunacaq.

Azərbaycan torpağının müxtəlifliyi və iqlim şəraiti zəngin bitki və heyvan müxtəlifliyinə şərait yaradıb. Kənd təsərrüfatı birkilərinin və heyvandarlığın bu müxtəlifliyi min illər ərzində inkişaf edib, onların qorunmasına və saxlanmasına ehtiyac var. Odur ki, ilkin mərhələdə ənənəvi kənd təsərrüfatı bitkilərinin, onların növlərinin, qida məhsullarının inventarlaşdırılması, həmçinin onların istehsal və emal metodları üçün zəmin hazırlanacaq.

Layihənin ilk altı ayında beş pilot rayonda (Qəbələ, Şəki, İsmayıllı, Şamaxı və Qaxda) yerli məhsullar müəyyən edilib.

Nəticədə 40-dək məhsul identifikasiya edilib: meyvə və tərəvəzlərin yerli sortu, həmçinin onların ənənəvi emal metodları, heyvan mənşəli məhsullar, üzümün yerli sortu və digərləri.

Nəticələr təsdiqləyib ki, başqa ölkələrdə olduğu kimi, Azərbaycanda da idxal olunan sortların tətbiqi ona gətirib çıxarıb ki, yerli bitkilər və cinslər demək olar ki, yox olub. Buna parlaq nümunə Qax rayonunda olub. Belə ki, Marsan kəndində tomat sortu demək olar ki, yox olurmuş, yerli istehsalçıların səyləri sayəsində saxlanılıb.

Növbəti addım sözügedən məhsullarla əlaqəli birliklərin seçimi, Slow Food-un qlobal ləzzət kataloquna daxil edilməli olan məhsulların yoxlanması, layihə çərçivəsində hansı qida məhsullarının əlavə emalı ilə bağlı qərarların qəbulu olacaq. 06D--