Açiq mənbələrdən foto.
Bakı/19.12.20/Turan: Avropa İttifaqı Azərbaycanla tərəfdaşlıq haqqında, o cümlədən qaz alınması haqqında yeni saziş bağlamaq, habelə Dağlıq Qarabağ nizamlanmasında iştirak etmək istəyir. Bu barədə Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel cümə günü Aİ-Azərbaycan Tərəfdaşlıq Şurasının iclasının yekunlarına görə bildirib.
"Aİ Azərbaycanla demokratiya, insan hüquqları və fundamental azadlıqlara riayət olunmasına əsaslanan yeni ambisiyalı və hərtərəfli sziş bağlamaq istəyir. Bu, Azərbaycan iqtisadiyyatının şaxələndirilməsinə və bizim ticarət əlaqələrimizin inkişafına, habelə tərəfdaşlığımızın ən geniş formada inkişafına şərait yaradacaq, - deyə Borrel bildirib. - Aİ ATƏT-in Minsk Qrupu ilə sıx əməkdaşlıq şəraitində Dağlıq Qarabağda uzunmüddətli nizamlanmanı dəstəkləməyə və formalaşdırmağa hazırdır".
Öz növbəsində, genişlənmə üzrə Avropa Komissarı Oliver Vargeli Avropa İttifaqının Azərbaycanla qaz əməkdaşlığının inkişafında maraqlı olduğunu qeyd edib. O, Brüsselin Cənub Qaz Dəhlizi ilə Azərbaycandan ilk qazı bu ilin sonlarına qədər alacağına ümid etdiyini növbəti dəfə xatırladıb və qeyd edib ki, Brüssel bu qaz nəqliyyatı layihəsini Qərbi Balkanlara qədər uzatmaq imkanını nəzərdən keçirir.
Yekun bəyanata əsasən, görüş iştirakçıları Azərbaycanda islahatlar prosesini və bu ölkədə insan hüquqlarına riayət edilməsi məsələlərini də müzakirə ediblər, xəbəri TASS yayıb. -0-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz