Aİ Azərbaycanla qaz sazişi imzalamaq və Qarabağ nizamlanmasında iştirak etmək istəyir

Bakı/19.12.20/Turan: Avropa İttifaqı Azərbaycanla tərəfdaşlıq haqqında, o cümlədən qaz alınması haqqında yeni saziş bağlamaq, habelə Dağlıq Qarabağ nizamlanmasında iştirak etmək istəyir. Bu barədə Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel cümə günü Aİ-Azərbaycan Tərəfdaşlıq Şurasının iclasının yekunlarına görə bildirib.

"Aİ Azərbaycanla demokratiya, insan hüquqları və fundamental azadlıqlara riayət olunmasına əsaslanan yeni ambisiyalı və hərtərəfli sziş bağlamaq istəyir. Bu, Azərbaycan iqtisadiyyatının şaxələndirilməsinə və bizim ticarət əlaqələrimizin inkişafına, habelə tərəfdaşlığımızın ən geniş formada inkişafına şərait yaradacaq, - deyə Borrel bildirib. - Aİ ATƏT-in Minsk Qrupu ilə sıx əməkdaşlıq şəraitində Dağlıq Qarabağda uzunmüddətli nizamlanmanı dəstəkləməyə və formalaşdırmağa hazırdır".

Öz növbəsində, genişlənmə üzrə Avropa Komissarı Oliver Vargeli Avropa İttifaqının Azərbaycanla qaz əməkdaşlığının inkişafında maraqlı olduğunu qeyd edib. O, Brüsselin Cənub Qaz Dəhlizi ilə Azərbaycandan ilk qazı bu ilin sonlarına qədər alacağına ümid etdiyini növbəti dəfə xatırladıb və qeyd edib ki, Brüssel bu qaz nəqliyyatı layihəsini Qərbi Balkanlara qədər uzatmaq imkanını nəzərdən keçirir.

Yekun bəyanata əsasən, görüş iştirakçıları Azərbaycanda islahatlar prosesini və bu ölkədə insan hüquqlarına riayət edilməsi məsələlərini də müzakirə ediblər, xəbəri TASS yayıb. -0-